ون ڈے کرکٹ میں ایک دن میں سب سے زیادہ سنچریز کا نیا ریکارڈ

ون ڈے کرکٹ میں ایک دن میں سب سے زیادہ سنچریز کا نیا ریکارڈ قائم ہوگیا۔تفصیلات کے مطابق گزشتہ روز کھیلے گئے تین ون ڈے میچز میں مجموعی طور 6 سنچریز بنیں جو ایک روز میں بننے والے سب سے زیادہ ون ڈے سنچریز ہیں۔سب سے زیادہ تین سنچریز ویسٹ انڈیز اور بھارت کے درمیان کھیلے گئے میچ میں بنیں جس میں پہلے ویسٹ انڈیز کے جسٹن گریوز نے 101رنز کی اننگز کھیلی۔جواب میں بھارتی کپتان شبمن گل نے 110اور ویرات کوہلی نے ریکارڈ ساز ناقابل شکست 139 رنز کی شاندار اننگز کھیلی۔جنوبی افریقا اور آسٹریلیا کے درمیان میچ میں دو سنچریز بنیں۔ جنوبی افریقی کپتان ٹمبا باووما نے 103 اور ڈیوڈ ملر نے 142 رنز کی شاندار اننگز کھیل کر ٹیم کی جیت میں اہم کردار ادا کیا۔انگلینڈ اور سری لنکا کے درمیان میچ میں انگلش اوپنر ٹام بینٹن نے 126 رنز کی اننگز کھیل کر ٹیم کو مضبوط بنیاد فراہم کی۔آسٹریلیا اور سری لنکا کی ٹیم سنچریز سے محروم رہ کر اس منفرد ریکارڈ کا حصہ نہ بن سکیں۔