ویڈیوز
وفاقی دارالحکومت اسلام آباد کے تھانہ سنگجانی کے ایس ایچ او کو مبینہ طور پر رشوت کی وصولی کے الزام میں عہدے سے معطل کر دیا گیا ہے۔ سوشل میڈیا پر ایک ویڈیو سائنسی بنیادوں پر وائرل ہوئی تھی جس میں معطل افسر کو ایک ٹرک کو چھوڑنے کے عوض رقم وصول کرتے ہوئے دیکھا جا سکتا ہے۔
آئی جی اسلام آباد محمد سہیل چوہدری نے واقعے کا فوری نوٹس لیا جس کے بعد ڈی آئی جی علی وسیم نے ایس ایچ او کی معطلی کے احکامات جاری کیے۔ علاوہ ازیں ایس پی صدر زون کاظم نقوی کو شفاف تحقیقات کے لیے انکوائری آفیسر مقرر کرتے ہوئے 24 گھنٹے میں رپورٹ پیش کرنے کی ہدایت کی گئی ہے۔ پولیس حکام کا کہنا ہے کہ اختیارات کا ناجائز استعمال یا بدعنوانی ثابت ہونے کی صورت میں قانون کے مطابق سخت اقدام اٹھایا جائے گا۔
واضح رہے کہ اسلام آباد میں پولیس اہلکاروں کی جانب سے رشوت طلب کرنے کا یہ پہلا واقعہ نہیں ہے۔ گزشتہ ماہ بھی ایک پولیس اہلکار کی ویڈیو سامنے آئی تھی جس میں وہ گاڑی سوار شہری کو چالان سے بچانے کے لیے کھل کر رقم کا سودا اور رعایت کا دلاسہ دیتے ہوئے کیمرے میں محفوظ ہو گیا تھا۔
کراچی کے علاقے گلستان جوہر موڑ پر گزشتہ صبح رکشے کی ٹکر سے گاڑی کو نقصان پہنچنے کے بعد کار سوار خاتون نے شدید احتجاج کرتے ہوئے سڑک بلاک کر دی۔ وائرل ویڈیو میں خاتون کو طیش میں آ کر رکشے سمیت دیگر گاڑیوں کو نقصان پہنچاتے اور ٹریفک کی روانی متاثر کرتے دیکھا جا سکتا ہے۔
واقعے کے وقت جوہر موڑ پر شہریوں کا ہجوم اکٹھا ہو گیا، جس سے راشد منہاس روڈ کی جانب جانے والے راستے پر گاڑیاں پھنس گئیں۔ اس دوران خاتون رکشے میں بیٹھ کر اپنی گاڑی کی چابیاں مانگتی رہیں۔ جب ایک شہری نے کار نکالنے کی کوشش کی تو خاتون بونٹ پر سوار ہو گئیں، جس پر شہری نے انہیں نیچے دھکیل دیا۔
اطلاع ملتے ہی پولیس موقع پر پہنچ گئی اور خاتون کو شاہراہِ فیصل تھانے منتقل کر دیا۔ بعد ازاں خاتون کے اہل خانہ نے تھانے پہنچ کر واقعے پر معافی مانگی اور متاثرہ شہریوں کے نقصان کا ازالہ کرنے کی یقین دہانی کرائی۔
ایران میں اصفہان کے قریب تباہ ہونے والے امریکی لڑاکا طیارے کے پائلٹ اور ویپن آفیسر کو ریسکیو کرنے کی ویڈیو تقریباً 5 ماہ بعد جاری کردی گئی۔
امریکی میڈیا کے مطابق مبینہ ویڈیو میں ہیلی کاپٹر کو علاقے میں لینڈ کرتے اور اسپیشل آپریشنز کمانڈ کے اہلکاروں کو طیارے کے پائلٹ اور ویپن آفیسر کو ریسکیو کرتے دیکھا جاسکتا ہے۔
رپورٹ میں بتایا گیا ہے کہ طیارے سے نکلنے کے بعد پیراشوٹ میں خرابی پیش آنے کے نتیجے میں ایک امریکی اہلکار کی کمر، کندھے اور بازو پر چوٹیں آئیں اور ہڈیاں ٹوٹ گئیں۔
امریکی میڈیا کے مطابق زخمی اہلکار تقریباً دو روز تک ایرانی فورسز سے بچتا رہا۔ جان بچانے کے لیے وہ تقریباً 7 ہزار فٹ بلند پہاڑی پر چڑھ گیا۔
بعد ازاں امریکی اسپیشل آپریشنز فورسز علاقے میں پہنچیں اور دونوں اہلکاروں کو بحفاظت ریسکیو کرلیا۔
کینیڈا کے شہر سرے میں گائے کے گوشت کے باربی کیو پر اعتراض کرنے والی بھارتی نژاد ہندو خاتون کی گرفتاری کے واقعے نے مذہبی آزادی اور باہمی احترام سے متعلق بحث کو جنم دے دیا۔
مقامی پولیس سے منسوب اطلاعات کے مطابق خاتون نے اپنے پڑوسی کو گھر کے باہر باربی کیو پر گائے کا گوشت تیار کرتے دیکھا اور اس پر اعتراض کیا۔ خاتون کا مؤقف تھا کہ ہندو مذہب میں گائے کو مقدس سمجھا جاتا ہے اور اسی مذہبی عقیدے کے باعث وہ اسے قابل احترام سمجھتی ہیں۔
اطلاعات کے مطابق خاتون نے مبینہ طور پر پڑوسی کی جانب سے تیار کیا جانے والا گوشت اٹھا کر پھینک دیا، جس کے بعد معاملہ کشیدہ ہوگیا۔ خاتون پر یہ الزام بھی عائد کیا گیا کہ وہ مبینہ طور پر پڑوسی کے گھر میں داخل ہوئیں اور گھر کا تالا تبدیل کردیا۔
واقعے کے بعد پولیس نے خاتون کو گرفتار کرلیا۔ پولیس کارروائی کو مبینہ طور پر غیر قانونی طور پر گھر میں داخل ہونے اور جائیداد میں مداخلت سے متعلق شکایات سے جوڑا جارہا ہے۔
واقعے کی تفصیلات سامنے آنے کے بعد سوشل میڈیا پر مذہبی آزادی، باہمی احترام اور کینیڈا کے قوانین کی پابندی سے متعلق مختلف آرا سامنے آئیں۔ بعض صارفین نے خاتون کے مذہبی جذبات کو بنیاد بناتے ہوئے ان کے مؤقف کا دفاع کیا، جبکہ دیگر صارفین کا کہنا تھا کہ مذہبی عقائد کسی فرد کو دوسرے شخص کی نجی زندگی یا قانونی ملکیت میں مداخلت کا اختیار نہیں دیتے۔
مبصرین کے مطابق کینیڈا جیسے کثیرالثقافتی معاشرے میں مختلف مذاہب اور ثقافتوں سے تعلق رکھنے والے افراد کے درمیان باہمی احترام ضروری ہے، تاہم مذہبی عقائد کے اظہار اور انہیں دوسروں پر مسلط کرنے کے درمیان قانونی و سماجی حدود بھی برقرار رہتی ہیں۔
وفاقی حکومت کی جانب سے سونے کی درآمد اور برآمد پر عائد پابندی کے خاتمے کا نوٹیفکیشن جاری کر دیا گیا ہے۔ وفاقی کابینہ کی جانب سے منظوری کے بعد وزارتِ تجارت نے آرڈر جاری کیا ہے،نوٹیفکیشن کے مطابق سونے کی عالمی تجارت سے متعلق معطل شدہ ایس آر او بحال کر دیا گیا ہے۔وفاقی حکومت نے قیمتی دھاتوں و زیورات کی درآمد و برآمد سے متعلق کچھ ترامیم بھی کی ہیں جبکہ قیمتی دھاتوں اور زیورات کی درآمد اور برآمد کا فریم ورک برقرار رہے گا،فریم ورک شفافیت اورخود کار نظام میں بہتری کے ساتھ جاری رہے گا۔واضح رہے کہ رواں سال مئی میں سونے کی ایکسپورٹ اور امپورٹ پر پابندی عائد کی گئی تھی۔وزارتِ تجارت نے 6 مئی 2025ء کو سونے کی تجارت منظم کرنے والا ایس آر او 60 روز کیلئے معطل کیا تھا۔ذرائع کے مطابق سونے کی اسمگلنگ کی شکایت پر ایکسپورٹ اور امپورٹ پر پابندی لگائی گئی تھی، حالیہ مہینوں میں سونے کی اسمگلنگ کی کوئی شکایت موصول نہیں ہوئی۔
محکمہ شماریات کی دعوئوں کے باجود حکمران چینی و دیگر اشییاء خوردنی کی مصنوعی مہنگائی قابو کرنے میں ناکام ہوگئے ہیں پشاور و صوبہ بھر کی او پن مارکیٹ میں رمضان سے قبل اشیاء مہنگی ہونے سے تمام دعوے باطل ہو گئے جبکہ وفاقی حکومت محکمہ شماریات کے اعشاریئے کم ہونے کے راگ الاپ رہی ہے ۔ادھر کرم میں بد امنی نے ابھی تک عام شہیریوں کی ناک میں دم کر رکھا ہے اس لئے کرم میں دیر پا امن کے لئے صوبائی اور وفاقی حکومتوں کو اپنا کر دار نبھانا ہو گااس مسئلے کو پچھلے ادوار حکومت میں توجہ دی جاتی تو معاملات انتے خراب نہ ہو تے جس کا شہریوں آج سامنا کرنا پڑرہاہے ۔
سینئر صحافی محمد دائود اور شعیب جمیل کا پوڈ کاسٹ
