پاک افغان جوائنٹ چیمبر آف کامرس اینڈ انڈسٹری کا اجلاس زوم کے ذریعے منعقد ہوا، جس کی خیبر پختونخوا سے صدارت سرحد چیمبر آف کامرس اینڈ انڈسٹری کے ایگزیکٹو کمیٹی رکن اور پاک افغان جوائنٹ چیمبر کے سینئر نائب صدر ضیا ء الحق سرحدی نے کی۔اجلاس میں پاک افغان جوائنٹ چیمبر کے نومنتخب سینئر نائب صدر انجینئر سید محمود، ڈائریکٹر پاک افغان جوائنٹ چیمبر فاروق احمد، سرحد چیمبر کے سابق سینئر نائب صدر اور نومنتخب ایگزیکٹو کمیٹی کے رکن شاہد حسین نے شرکت کی۔
اس موقع پر سرحد چیمبر کے صدر جنید الطاف، سینئر نائب صدر محمد ندیم، نائب صدر صابر احمد بنگش اور دیگر شرکا نے پاک افغان جوائنٹ چیمبر کے نومنتخب سینئر نائب صدر انجینئر سید محمود کو مبارکباد پیش کی اور ان کیلئے نیک خواہشات کا اظہار کیا۔اجلاس میں پاک افغان تجارتی تعلقات، دوطرفہ تجارت کے فروغ اور کاروباری برادری کو درپیش مسائل کے حل کے حوالے سے مختلف امور پر بھی تبادلہ خیال کیا گیا۔
