دبئی حکام نے پاکستان کے 24 شہروں سے تعلق رکھنے والے افراد پر ویزا پابندیاں نافذ کر دی ہیں۔ یہ اقدام ویزے کے غلط استعمال اور ایجنٹس کے ذریعے دھوکہ دہی کے واقعات کے بعد اٹھایا گیا ہے۔ یہ پابندی ان پاکستانی شہریوں پر لاگو ہو گی جن کے پاسپورٹ پر ان کی پیدائش کا شہر مذکورہ فہرست میں شامل ہو۔پابندی ہر قسم کے ویزوں پر، بشمول کاروباری اور وزٹ ویزوں، پر عائد کی گئی ہے۔ تاہم، یہ صرف ان افراد کے پیدائشی شہر پر لاگو ہوتی ہے جو ان 24 شہروں میں شامل ہیں، جبکہ ان کے موجودہ پتے کو مدنظر نہیں رکھا جائے گا، چاہے وہ شناختی کارڈ یا کسی اور دستاویز پر درج ہو۔ایبٹ آباد، اٹک، باجوڑ ایجنسی، چکوال، ڈیرہ غازی خان، ڈیرہ اسماعیل خان، ہنگو، ہنزہ، قصور، خوشاب، کوٹلی، کوہاٹ، کرم ایجنسی، لاڑکانہ، نواب شاہ، مہمند ایجنسی، مظفرگڑھ، پارا چنار، کوئٹہ، ساہیوال، سرگودھا، شیخوپورہ، سکردو، اور سکھر شامل ہیں۔یہ اقدام دبئی حکام نے ان افراد کی جانب سے بڑھتے ہوئے فراڈ اور ویزا قواعد کی خلاف ورزیوں کے بعد اٹھایا ہے، جس میں ایجنٹس کے ذریعے جعلسازی کے واقعات شامل تھے۔ حکام کے مطابق یہ پابندی عارضی طور پر نافذ کی گئی ہے اور صورتحال بہتر ہونے پر اس کا جائزہ لیا جائے گا۔متاثرہ شہروں سے تعلق رکھنے والے شہریوں کو سفر کی منصوبہ بندی میں شدید مشکلات کا سامنا ہو سکتا ہے، خاص طور پر وہ لوگ جو دبئی میں کاروباری یا ذاتی مقاصد کے لیے جانا چاہتے تھے۔یہ پابندی پاکستان اور دبئی کے درمیان سفری تعلقات پر گہرا اثر ڈال سکتی ہے۔ امید کی جا رہی ہے کہ پاکستانی حکام اس مسئلے کے حل کے لیے جلد اقدامات کریں گے تاکہ شہریوں کے لیے سفری سہولیات بحال کی جا سکیں۔







