دہلی سے چنئی جانے والی انڈیگو پرواز میں پاور بینک کو آگ لگنے کے بعد طیارے کو حیدرآباد ایئرپورٹ پر بحفاظت اتار لیا گیا۔
Website Article: بھارت میں انڈیگو ایئرلائن کے ایک طیارے میں دورانِ پرواز مسافر کے پاور بینک میں اچانک آگ بھڑک اٹھی، جس کے باعث طیارے میں سوار افراد میں شدید تشویش پھیل گئی۔ یہ واقعہ 11 اکتوبر کو اس وقت پیش آیا جب پرواز دہلی سے چنئی کی جانب گامزن تھی۔
ذرائع کے مطابق پرواز کے دوران مسافروں کے اوپری سامان رکھنے والی جگہ سے ناگہانی طور پر دھواں نکلنا شروع ہوا، جس کی وجہ ایک مسافر کے پاور بینک میں لگی آگ تھی۔ عملے نے فوری اور پیشہ ورانہ حکمت عملی اپناتے ہوئے آگ پر قابو پایا، جبکہ پائلٹ نے حفاظتی تدابیر کے تحت طیارے کا رخ حیدرآباد کی طرف موڑ دیا۔
بعد ازاں پرواز حیدرآباد کے راجیو گاندھی انٹرنیشنل ایئرپورٹ پر باحفاظت لینڈ کر گئی۔ ایئرلائن انتظامیہ کے مطابق واقعے میں تمام مسافر اور عملے کے اراکین مکمل طور پر محفوظ رہے، جبکہ حادثے کی ویڈیو بھی سوشل میڈیا پر تیزی سے وائرل ہو رہی ہے۔
