پٹرول مہنگا، اشیائے ضروریہ عام آدمی کی پہنچ سے باہر ہونے لگیں

پٹرولیم مصنوعات کی قیمتوں میں اضافہ سے اشیائے خوردونوش کی قیمتیں بڑھنے سے عام آدمی کی قوت خرید جواب دینے لگی۔ ملک بھرمیں سرکاری ریٹ لسٹ میں مختلف سبزیوں، پھلوں، چکن، انڈوں ودیگر اشیائے ضررویہ کے روزانہ نرخ جاری ہوتے ہیں۔ بازاروں میں خریداری کرنے والی خواتین نے بتایا کہ کچن کا بجٹ تین گنا بڑھ چکا، محدود آمدنی نے سبزیوں،چکن و دیگر ضروری اشیا کی خریداری مشکل بنا دی ہے۔شہریوں کے مطابق سرکاری اور مارکیٹ میں قیمتوں میں فرق پریشانی کا باعث ہے،دکانداروں کے مطابق ٹرانسپورٹ اخراجات میں اضافہ فرق کی وجہ ہے۔