ترکیہ کا پہلا بغیر پائلٹ لڑاکا طیارہ ’قزل ایلما‘ ترک افواج کے حوالے کردیا گیا، ابتدائی مرحلے میں تین طیارے سکیورٹی فورسز کے سپرد کیے گئے ہیں۔
غیرملکی میڈیا رپورٹس کے مطابق ترکیہ نے اپنے بغیر پائلٹ جنگی طیارے قزل ایلما کو فوجی سروس میں شامل کرلیا ہے، جس کے بعد یہ دنیا کا پہلا بغیر پائلٹ لڑاکا طیارہ بن گیا ہے جو فوجی خدمات انجام دے گا۔
ترک صدر رجب طیب اردوان نے اس پیش رفت کو تاریخی قرار دیتے ہوئے کہا کہ آج ایک عظیم خواب حقیقت میں تبدیل ہوگیا ہے۔
ان کا کہنا تھا کہ قزل ایلما ترک فوج کی کامیابیوں میں اہم کردار ادا کرے گا۔







