کوشال مینڈس کی پاکستانی بولنگ کی تعریف

سری لنکن کرکٹ ٹیم کے کپتان کوشال مینڈس نے پاکستان کے خلاف ٹیسٹ سیریز میں شکست کے بعد پاکستانی بولنگ کی تعریف کرتے ہوئے کہا ہے کہ پاکستان نے انہیں حیران تو نہیں کیا، تاہم اس کے بولرز نے اچھی کارکردگی دکھائی۔

راولپنڈی میں دوسرے ٹیسٹ میچ اور سیریز میں 0-1 سے شکست کے بعد میڈیا سے گفتگو کرتے ہوئے کوشال مینڈس نے کہا کہ پاکستان کا دورہ ان کے لیے بہت اچھا رہا۔ انہوں نے یہاں قیام کے دوران خوب لطف اٹھایا اور اچھی کرکٹ کھیلنے کا موقع ملا۔

سری لنکن کپتان کا کہنا تھا کہ پاکستان کی بولنگ اچھی رہی، تاہم ان کی اپنی ٹیم کی کارکردگی کے بھی کچھ پہلو ایسے تھے جن میں بہتری کی ضرورت ہے۔ بیٹنگ اور بولنگ دونوں شعبوں میں خامیوں کو دور کرنا ہوگا۔

انہوں نے مزید کہا کہ سری لنکن ٹیم کو بالخصوص نئی گیند کے خلاف بیٹنگ بہتر بنانے پر توجہ دینا ہوگی۔ ان کے مطابق ٹیم اپنی صلاحیت کے مطابق بہتر کھیل پیش کرسکتی تھی، اس لیے سیریز میں شکست مایوس کن رہی۔

کوشال مینڈس نے پاکستان میں اپنے قیام کے حوالے سے خوشی کا اظہار کرتے ہوئے کہا کہ انہیں پاکستان آکر بہت اچھا لگا۔ ٹیم نے تقریباً ایک ماہ یہاں گزارا اور تمام کھلاڑی بھی اس دورے سے خوش ہیں۔

انہوں نے امید ظاہر کی کہ سری لنکن ٹیم مستقبل میں بھی پاکستان کا دورہ کرے گی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Fill out this field
Fill out this field
براہ مہربانی درست ای میل ایڈریس درج کریں۔
You need to agree with the terms to proceed