پشاور میں ارمڑ پولیس کی کارروائی، ہوائی فائرنگ اور اسلحہ نمائش میں ملوث 3 ملزمان گرفتار

پشاور میں کیپٹل سٹی پولیس نے افسرانِ بالا کی خصوصی ہدایات پر ہوائی فائرنگ، اسلحہ کی نمائش اور غیر قانونی اسلحہ رکھنے والے عناصر کے خلاف کارروائیاں مزید تیز کر دی ہیں۔ اس سلسلے میں تھانہ ارمڑ پولیس نے کامیاب کارروائی کرتے ہوئے قانون شکن عناصر کو حراست میں لے لیا ہے۔

پولیس کے مطابق تھانہ ارمڑ کی حدود میں کی جانے والی کارروائی کے دوران ہوائی فائرنگ، اسلحہ کی سرِعام نمائش اور غیر قانونی اسلحہ رکھنے میں ملوث 3 ملزمان کو گرفتار کیا گیا ہے۔ کارروائی کے دوران ملزمان کے قبضے سے 2 عدد رائفلیں، ایک کلاشنکوف اور پستول برآمد کر کے قبضہ پولیس میں لے لیے گئے ہیں۔

تھانہ ارمڑ پولیس نے گرفتار ملزمان کے خلاف متعلقہ دفعات کے تحت مقدمات درج کر کے انہیں حوالات منتقل کر دیا ہے، جبکہ ملزمان سے برآمد ہونے والے اسلحے کے ذرائع جاننے کے لیے مزید تفتیش جاری ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Fill out this field
Fill out this field
براہ مہربانی درست ای میل ایڈریس درج کریں۔
You need to agree with the terms to proceed