پاکستان انٹرنیشنل ایئرلائنز (پی آئی اے) نے لاہور اور اسلام آباد کے بعد کراچی بیس کے لیے بھی فضائی میزبانوں کی بھرتیوں کا اعلان کردیا ہے۔
ایئرلائن کی جانب سے 20 سے 28 سال کی عمر کے نوجوانوں سے فضائی میزبان کی آسامیوں کے لیے درخواستیں طلب کی گئی ہیں۔ امیدوار اپنی درخواستیں آن لائن جمع کراسکتے ہیں۔
پی آئی اے کے مطابق فضائی میزبان کی آسامی کے لیے کم از کم تعلیمی قابلیت بیچلر ڈگری مقرر کی گئی ہے، جبکہ درخواستیں جمع کرانے کی آخری تاریخ 7 اکتوبر ہے۔
اس سے قبل پی آئی اے نے لاہور اور اسلام آباد بیس کے لیے بھی فضائی میزبانوں کی بھرتیوں کا عمل شروع کیا تھا۔
کراچی بیس کے لیے بھرتی کے خواہشمند امیدوار مقررہ تاریخ تک اپنی درخواستیں آن لائن ارسال کرسکتے ہیں۔
