سال 2026 کے لیے طب کا نوبیل انعام دماغی اسرار پر تحقیق کرنے والے تین سائنسدانوں کے نام کردیا گیا ہے۔
طب کے نوبیل انعام کے حقدار امریکا سے تعلق رکھنے والے کارل ڈیسروتھ جبکہ جرمنی سے تعلق رکھنے والے پیٹر ہیگمین اور جارج ناگل قرار پائے ہیں۔
نوبیل کمیٹی کے مطابق تینوں سائنسدانوں نے آپٹو جینیٹکس اور روشنی جذب کرنے والے پروٹینز سے متعلق اہم دریافتیں کیں۔ ان کے تحقیقی کام نے ایسی تکنیک کی تیاری میں مدد دی جس کے ذریعے دماغ کے یادداشت، احساسات اور رویوں کو منظم کرنے کے طریقہ کار کو سمجھنا ممکن ہوا۔
پیٹر ہیگمین اور جارج ناگل نے چینل روڈوپسِن (channelrhodopsin) نامی پروٹین دریافت کیا، جبکہ کارل ڈیسروتھ نے اس پروٹین کو اعصابی خلیات کے لیے روشنی سے کنٹرول ہونے والے سوئچ میں تبدیل کیا۔
اس سال طب کا نوبیل انعام جیتنے والے تینوں سائنسدانوں کے درمیان ایک کروڑ 20 لاکھ سویڈش کرونا کی انعامی رقم برابر تقسیم کی جائے گی۔
نوبیل انعامات کے شیڈول کے مطابق 6 اکتوبر کو فزکس، 7 اکتوبر کو کیمسٹری اور 8 اکتوبر کو ادب کے نوبیل انعام کا اعلان ہوگا۔ امن کے نوبیل انعام کا اعلان 9 اکتوبر جبکہ معاشیات کے نوبیل انعام کا اعلان 12 اکتوبر کو کیا جائے گا۔
اس سے قبل 2024 میں نوبیل کمیٹی نے مدافعتی نظام کے افعال سے متعلق اہم دریافتیں کرنے والے تین سائنسدانوں کو طب کا نوبیل انعام دینے کا اعلان کیا تھا۔
