چارسدہ پولیس نے مولانا مامون الرشید قتل کیس میں اہم کامیابی حاصل کرتے ہوئے نامزد ملزم کو گرفتار کر لیا۔ پولیس کے مطابق کارروائی ڈسٹرکٹ پولیس آفیسر چارسدہ رفعت اللہ خان (PSP) کی ہدایات پر کی گئی، جس کے تحت ضلع بھر میں جرائم پیشہ عناصر کے خلاف آپریشن جاری ہے۔
ڈی ایس پی سرڈھیری بلال حلیم خان کی قیادت میں ایس ایچ او تھانہ نستہ مظفر خان اور پولیس ٹیم نے سابقہ دلبدی پر کارروائی کرتے ہوئے ملزم کو گرفتار کیا۔ پولیس نے بتایا کہ ملزم کے قبضے سے آلہ قتل بھی برآمد کر لیا گیا ہے۔
