اسلام آباد: ینگ لیڈرز پارلیمنٹ (YLP) نے نوجوان قیادت اور سماجی خدمات کے شعبے میں نمایاں کردار ادا کرنے پر سکندر خان خلیل کو سیشن 2026 کے لیے خیبر پختونخوا کا ڈپٹی یوتھ گورنر مقرر کر دیا ہے۔
اس حوالے سے 16 جون 2026 کو جاری کردہ باضابطہ نوٹیفکیشن کے مطابق سکندر خان خلیل کی تقرری ان کی قائدانہ صلاحیتوں، نوجوانوں کو بااختیار بنانے کے عزم، اور ینگ لیڈرز پارلیمنٹ کے وژن و مقاصد کے لیے خدمات کے اعتراف میں کی گئی ہے۔ یہ تقرری فوری طور پر نافذ العمل ہوگی اور سیشن 2026 کے دوران مؤثر رہے گی۔نوٹیفکیشن کے مطابق سکندر خان خلیل خیبر پختونخوا میں نوجوانوں کی نمائندگی، قیادت سازی اور ترقی کے فروغ کے لیے کام کریں گے۔ وہ نوجوان قائدین کے درمیان روابط اور ہم آہنگی کو مضبوط بنانے، مختلف یوتھ پروگرامز اور اقدامات کی معاونت کرنے، اور قیادت سازی، سماجی شعور اور شہری ذمہ داریوں سے متعلق سرگرمیوں کی منصوبہ بندی اور مؤثر عملدرآمد میں اہم کردار ادا کریں گے۔سکندر خان خلیل اس سے قبل بھی نوجوانوں کی فلاح و بہبود، قیادت سازی، سماجی ترقی اور عوامی آگاہی کے مختلف منصوبوں میں سرگرم کردار ادا کرتے رہے ہیں۔ ان کی یہ تقرری نوجوان قیادت پر اعتماد کا اظہار اور ان کی خدمات کا اعتراف قرار دی جا رہی ہے۔ینگ لیڈرز پارلیمنٹ کے صدر نوید احمد خان نے امید ظاہر کی ہے کہ سکندر خان خلیل اپنی ذمہ داریاں دیانتداری، پیشہ ورانہ صلاحیت اور جذبہ خدمت کے ساتھ انجام دیتے ہوئے صوبے کے نوجوانوں کی ترقی اور نمائندگی کے لیے مؤثر کردار ادا کریں گے
