خیبرپختونخواکلچراینڈٹورازم اتھارٹی کے زیراہتمام آئی ایم اولمپیڈ فیسٹیول کا انعقاد

۔
خیبرپختونخواکلچراینڈٹورازم اتھارٹی اور آئی ایم سائنسز کے باہمی اشتراک سے تین روزہ آئی ایم اولمپیڈ فیسٹیول کا آغاز ہوگیا۔ جس میں کھیلوں کی سرگرمیاں جن میں فٹسال، بیڈمنٹن، ٹیبل ٹینس، لڈو، ای گیمز،تھیٹر ، مختلف تربیتی سیشنز کیساتھ ساتھ کھانے پینے کے سٹالز ، موسیقی سے محظوظ ہونے کیلئے قوالی نائٹ، اتنڑ،شب ِرونق بھی فیسٹیول کا حصہ ہے ۔ آئی ایم سائنسز یونیورسٹی میں جاری فیسٹیول کے پہلے روز مختلف کھیلوں کے مقابلوں کا انعقاد کیاگیا جس میں 700 سے زائد طلباء و طالبات نے فٹسال، بیڈمنٹن ، لڈو اور ٹیبل ٹینس کے مقابلوں میں شرکت کی ۔ جبکہ رات کو قوالی نائٹ کا بھی اہتمام کیا گیا جس میں شرکاء خوب محظوط ہوئے ۔ محفل موسیقی کے آخر میں طلبہ نے روایتی اتنڑ رقص بھی پیش کیا۔ فیسٹیول کے آخری روز کھیلوں کے فائنل مقابلوں کا انعقاد کیا جائے گا۔