فرانسیسی صدر ایمانوئل میکرون نے برطانیہ کے یورپی یونین میں دوبارہ شامل ہونے کے امکان کا خیرمقدم کیا ہے۔
میڈرڈ میں نیوز کانفرنس سے خطاب کرتے ہوئے میکرون نے کہا کہ اگر برطانیہ واپس آنا چاہتا ہے اور برطانوی وزیر اعظم اینڈی برنہم اسی سمت میں آگے بڑھ رہے ہیں تو یہ دونوں جانب کے لیے اچھی خبر ہوگی۔
برطانوی وزیر اعظم اینڈی برنہم نے حال ہی میں یورپی یونین کے ساتھ برطانیہ کے مستقبل کے تعلقات کے حوالے سے تمام آپشنز پر غور کرنے کا عندیہ دیا تھا، جن میں بلاک میں دوبارہ شمولیت کا امکان بھی شامل ہے۔
میکرون کے ساتھ نیوز کانفرنس میں اسپین کے وزیر اعظم پیڈرو سانچیز نے بھی برطانیہ کے یورپی یونین میں ممکنہ واپسی کا خیرمقدم کیا۔ دونوں رہنما برطانیہ کے یورپی شراکت داروں کے ساتھ مستقبل کے تعلقات سے متعلق برنہم کے مؤقف پر ردعمل دے رہے تھے۔
اینڈی برنہم نے کہا ہے کہ برطانیہ کے لیے یورپی یونین کے ساتھ طویل مدتی تعلقات کا فیصلہ اہم ہے کیونکہ یورپی یونین اب بھی برطانیہ کی سب سے بڑی منڈی ہے۔ انہوں نے کہا کہ آئندہ برطانیہ کے یورپی شراکت داروں کے ساتھ تعلقات کے مختلف آپشنز کا جائزہ لیا جائے گا۔
میکرون نے برطانیہ کی ممکنہ واپسی کا خیرمقدم کرتے ہوئے یہ بھی واضح کیا کہ یورپی یونین کے رکن ممالک کی جانب سے حاصل حقوق اور ذمہ داریوں کو الگ الگ منتخب نہیں کیا جا سکتا۔
