پاکستان انڈر 19 نے انگلینڈ کو 3-1 سے شکست دے کر ون ڈے سیریز اپنے نام کرلی
شکیل الرحمان
پاکستان انڈر 19 نے انگلینڈ کے خلاف چار میچوں کی یوتھ ون ڈے سیریز میں شاندار کارکردگی کا مظاہرہ کرتے ہوئے سیریز 3-1 سے اپنے نام کرلی۔ قومی جونیئر ٹیم نے سیریز کے پہلے دو میچوں میں مسلسل فتوحات حاصل کرکے برتری قائم کی، تیسرے میچ میں سنسنی خیز مقابلے کے بعد صرف دو رنز سے شکست کا سامنا کیا، تاہم چوتھے اور فیصلہ کن میچ میں بھرپور انداز میں واپسی کرتے ہوئے انگلینڈ کو شکست دے کر سیریز پر قبضہ جمالیا۔
تیسرے میچ میں انگلینڈ نے آخری گیند پر سنسنی خیز مقابلے کے بعد پاکستان کو صرف دو رنز سے شکست دی تھی، تاہم قومی جونیئر ٹیم نے فیصلہ کن مقابلے میں بھرپور واپسی کرتے ہوئے 200 رنز کی بڑی فتح حاصل کرلی۔ تیسرے میچ میں رضوان اللہ نے 3 وکٹیں حاصل کی تھیں، جبکہ حمزہ ظہور اور حسنین عباس دار نے نصف سنچریاں اسکور کی تھیں۔
پاکستان انڈر 19 کی اس سیریز فتح میں عثمان خان، عبدالقادر، احمد حسین، فرحان یوسف اور دیگر بلے بازوں نے نمایاں کردار ادا کیا، جبکہ باؤلنگ یونٹ نے فیصلہ کن میچ میں انگلش بیٹنگ کو صرف 150 رنز تک محدود کرکے فتح کو یکطرفہ بنا دیا۔
اس طرح پاکستان انڈر 19 نے انگلینڈ کی سرزمین پر چار میچوں کی یوتھ ون ڈے سیریز 3-1 سے جیت کر اپنے دورۂ انگلینڈ کا یادگار اختتام کیا۔
ارنڈل میں کھیلے گئے پہلے یوتھ ون ڈے میں پاکستان نے 177 رنز سے بڑی فتح حاصل کی۔ پاکستان نے پہلے بیٹنگ کرتے ہوئے 50 اوورز میں 332 رنز بنائے۔ اوپنر عثمان خان نے 151 رنز کی شاندار اننگز کھیلی، جبکہ کپتان فرحان یوسف نے 115 رنز بنائے۔ دونوں نے تیسری وکٹ کے لیے 268 رنز کی شاندار شراکت قائم کی۔ جواب میں انگلینڈ کی پوری ٹیم 155 رنز پر ڈھیر ہوگئی۔ محمد سیام نے 39 رنز کے عوض چار اور رضوان اللہ نے دو وکٹیں حاصل کیں۔
دوسرے میچ میں بھی پاکستان نے اپنی عمدہ فارم برقرار رکھی اور انگلینڈ کو شکست دے کر سیریز میں 2-0 کی برتری حاصل کرلی۔ پاکستانی بیٹنگ میں عبدالقادر کی جارحانہ 146 رنز کی اننگز نمایاں رہی، جبکہ باؤلنگ میں محمد سیام اور رضوان اللہ نے اہم کردار ادا کیا۔
تیسرے میچ میں انگلینڈ نے زبردست مقابلے کے بعد پاکستان کو صرف دو رنز سے شکست دی۔ انگلینڈ نے 302 رنز بنائے، جس میں جیک نیلسن 74 اور تھیو لیمی 58 رنز کے ساتھ نمایاں رہے۔ پاکستان کی جانب سے رضوان اللہ نے تین وکٹیں حاصل کیں۔ ہدف کے تعاقب میں حمزہ ظہور نے 86 اور حسنین عباس دار نے 56 رنز بنا کر پاکستان کو فتح کے قریب پہنچا دیا، تاہم قومی ٹیم 300/9 تک پہنچ سکی۔ آخری گیند پر چار رنز درکار تھے لیکن پاکستان ایک رن ہی بنا سکا۔
اس شکست کے باوجود پاکستان کو سیریز میں 2-1 کی برتری حاصل تھی اور فیصلہ کن چوتھے میچ میں قومی جونیئر ٹیم نے بہترین آل راؤنڈ کارکردگی پیش کرتے ہوئے سیریز اپنے نام کرلی۔
ورمزلی: پاکستان انڈر 19 نے انگلینڈ کے خلاف چار میچوں کی یوتھ ون ڈے سیریز کے چوتھے اور فیصلہ کن میچ میں شاندار آل راؤنڈ کارکردگی کا مظاہرہ کرتے ہوئے میزبان ٹیم کو 200 رنز کے بڑے مارجن سے شکست دے کر سیریز 3-1 سے اپنے نام کرلی۔ ورمزلی کے سر پال گیٹی گراؤنڈ میں پاکستان نے پہلے بیٹنگ کرتے ہوئے 50 اوورز میں 4 وکٹوں کے نقصان پر 350 رنز کا پہاڑ کھڑا کیا، جواب میں انگلینڈ کی پوری ٹیم 20.4 اوورز میں صرف 150 رنز پر ڈھیر ہوگئی۔
پاکستان نے ٹاس جیت کر پہلے بیٹنگ کا فیصلہ کیا تو اوپنرز عثمان خان اور جہانگیر بلال نے ٹیم کو شاندار آغاز فراہم کیا۔ دونوں نے پہلی وکٹ کے لیے 148 رنز کی عمدہ شراکت قائم کی۔ عثمان خان اور جہانگیر بلال دونوں نے 79،79 رنز کی اننگز کھیلی۔ عثمان نے 9 چوکے اور ایک چھکا لگایا جبکہ جہانگیر بلال کی اننگز میں 13 چوکے شامل تھے۔
ابتدائی شراکت کے بعد احمد حسین اور کپتان فرحان یوسف نے انگلش باؤلرز کی ایک نہ چلنے دی اور چوتھی وکٹ کے لیے 144 رنز کی شاندار شراکت قائم کی۔ احمد حسین نے 53 گیندوں پر 63 رنز بنائے، ان کی اننگز میں 8 چوکے اور ایک چھکا شامل تھا، جبکہ کپتان فرحان یوسف نے صرف 54 گیندوں پر ناقابل شکست 80 رنز کی جارحانہ اننگز کھیلی۔ فرحان نے 8 چوکے اور 3 چھکے لگائے۔
پاکستان نے مقررہ 50 اوورز میں 4 وکٹوں کے نقصان پر 350 رنز بنائے اور انگلینڈ کو فتح کے لیے 351 رنز کا ہدف دیا۔
ہدف کے تعاقب میں انگلینڈ نے تیز آغاز کیا اور رالفی البرٹ اور آئزک محمد نے ابتدائی پانچ اوورز میں 50 رنز کی شراکت قائم کی، تاہم پاکستان کے باؤلرز نے جلد ہی میچ پر گرفت مضبوط کرلی۔ انگلینڈ کی ٹیم 10 اوورز میں 93 رنز پر تین وکٹیں گنوا چکی تھی، جس کے بعد وکٹیں وقفے وقفے سے گرتی رہیں۔
انگلینڈ کی جانب سے رابی بومن نے مزاحمت کرتے ہوئے 43 گیندوں پر 67 رنز بنائے، جس میں 4 چوکے اور 7 چھکے شامل تھے، لیکن انہیں دوسرے بلے بازوں کی جانب سے خاطر خواہ ساتھ نہ مل سکا۔ انگلینڈ کی پوری ٹیم 20.4 اوورز میں 150 رنز پر آؤٹ ہوگئی اور پاکستان نے میچ 200 رنز سے جیت لیا۔
پاکستان کی جانب سے باؤلنگ میں رضوان اللہ نے تین، محمد سیام نے تین، جبکہ احمد حسین اور نقاب شفیق نے دو، دو وکٹیں حاصل کیں۔ رضوان اللہ نے 8 اوورز میں صرف 32 رنز دے کر 3 وکٹیں حاصل کیں جبکہ احمد حسین نے 6.1 اوورز میں صرف 16 رنز کے عوض دو کھلاڑیوں کو آؤٹ کیا۔
چوتھے میچ میں پاکستان کی فتح بیٹنگ اور باؤلنگ دونوں شعبوں میں مکمل برتری کی عکاس رہی۔ پاکستان نے 350 رنز بنا کر انگلینڈ کو 150 رنز تک محدود کیا اور یوں 200 رنز کی بڑی فتح حاصل کرکے چار میچوں کی سیریز 3-1 سے جیت لی۔
پاکستان انڈر 19 نے سیریز کے پہلے میچ میں انگلینڈ کو 177 رنز سے، دوسرے میچ میں 122 رنز سے شکست دی تھی۔ تیسرے میچ میں انگلینڈ نے سنسنی خیز مقابلے کے بعد پاکستان کو آخری گیند پر دو رنز سے شکست دی، تاہم قومی جونیئر ٹیم نے چوتھے اور فیصلہ کن میچ میں بھرپور واپسی کرتے ہوئے سیریز اپنے نام کرلی۔
پاکستان کی نمایاں بیٹنگ
سیریز میں عثمان خان، فرحان یوسف، عبدالقادر، حمزہ ظہور اور حسنین عباس دار نے نمایاں بیٹنگ کا مظاہرہ کیا۔ عثمان خان کی 151 اور عبدالقادر کی 146 رنز کی اننگز سیریز کی یادگار پرفارمنسز میں شامل رہیں، جبکہ فرحان یوسف نے کپتانی کے ساتھ بیٹنگ میں بھی اہم کردار ادا کیا۔ پہلے میچ میں عثمان اور فرحان کی 268 رنز کی شراکت نے پاکستان کی کامیابی کی بنیاد رکھی۔
باؤلنگ میں بھی قومی ٹیم کا غلبہ
پاکستان کی کامیابی میں باؤلرز کا کردار بھی انتہائی اہم رہا۔ محمد سیام، رضوان اللہ، عبدالصبحان اور دیگر باؤلرز نے مختلف مواقع پر انگلش بیٹنگ کو دباؤ میں رکھا۔ پہلے میچ میں محمد سیام نے چار وکٹیں حاصل کیں جبکہ تیسرے میچ میں رضوان اللہ نے تین وکٹیں حاصل کرکے انگلینڈ کو 302 رنز تک محدود رکھنے میں اہم کردار ادا کیا۔
پاکستان انڈر 19 کی 3-1 سے سیریز فتح اس بات کی علامت ہے کہ قومی جونیئر کرکٹ میں بیٹنگ اور باؤلنگ دونوں شعبوں میں باصلاحیت کھلاڑی سامنے آ رہے ہیں۔ عثمان خان کی جارحانہ بیٹنگ، فرحان یوسف کی قیادت اور ٹیم کی مجموعی آل راؤنڈ کارکردگی نے انگلینڈ کی سرزمین پر اس کامیابی کو نمایاں بنا دیا ہے۔
