لاہور: نجی کمپنی کی گاڑی سے بچے کی ہلاکت، ملزم گرفتار

لاہور کے علاقے غازی آباد میں نجی کمپنی کی گاڑی کی ٹکر سے دو سالہ بچے فیصل کے جاں بحق ہونے کے واقعے پر پولیس نے فوری ایکشن لیتے ہوئے ذمہ دار ڈرائیور کو حراست میں لے لیا ہے۔

واقعے کی سی سی ٹی وی ویڈیو سامنے آنے کے بعد قانون نافذ کرنے والے اداروں نے انٹیلی جنس معلومات کی بنیاد پر مختلف مقامات پر چھاپے مارے اور ملزم کو گرفتار کر لیا، جس کی شناخت احمد عارف کے نام سے کی گئی ہے۔ حاصل ہونے والی فوٹیج میں ملزم کو گاڑی کے ذریعے کمسن بچے کو کچلتے ہوئے واضح طور پر دیکھا جا سکتا ہے۔

متوفی بچے کے والد کی درخواست پر ملزم کے خلاف باقاعدہ مقدمہ درج کر کے مزید تفتیش شروع کر دی گئی ہے۔ اس حوالے سے ایس پی کینٹ نے واضح کیا ہے کہ لاپرواہی اور غفلت سے ڈرائیونگ کر کے انسانی جانوں کو خطرے میں ڈالنے والے عناصر کسی بھی قسم کی رعایت کے مستحق نہیں ہیں۔ دوسری جانب ڈی آئی جی آپریشنز لاہور کا کہنا ہے کہ بچوں سمیت تمام شہریوں کی جان و مال کا تحفظ پولیس کی بنیادی ذمہ داری اور اولین ترجیح ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Fill out this field
Fill out this field
براہ مہربانی درست ای میل ایڈریس درج کریں۔
You need to agree with the terms to proceed