امریکا نے تین ایرانی کمانڈرز سے متعلق معلومات فراہم کرنے پر مجموعی طور پر ڈیڑھ کروڑ ڈالرز انعام کا اعلان کردیا۔
امریکی محکمۂ خارجہ کے مطابق انعام کی پیشکش میں پاسدارانِ انقلاب کی ایرو اسپیس فورس سے وابستہ تین کمانڈرز شامل ہیں۔
امریکی محکمۂ خارجہ کے مطابق ان کمانڈرز میں بریگیڈیئر جنرل عبداللّٰہ محرابی، کمانڈر احمد جعفر آبادی اور کمانڈر علی اصغر نوروزی شامل ہیں۔
امریکی حکام کا کہنا ہے کہ تینوں کمانڈرز مشرق وسطیٰ میں امریکی فوج پر ایرانی حملوں کے آپریشن میں سرگرم ہیں۔
