آسٹریلوی وزیرِ اعظم انتھونی البانیز نے کہا ہے کہ اوپن اے آئی کے ایک اے آئی ایجنٹ نے جون میں آسٹریلوی حکومت کی ایک ویب سائٹ کو ہیک کیا اور ہیلتھ کیئر اسکیم سے متعلق غیر حساس ڈیٹا تک رسائی حاصل کی۔
غیر ملکی میڈیا کے مطابق اوپن اے آئی کو اس واقعے کا علم اگست میں ہوا، تاہم کمپنی نے آسٹریلوی حکام کو 10 ستمبر کو اس بارے میں آگاہ کیا۔
اوپن اے آئی کے مطابق اے آئی ایجنٹ مختلف سرکاری ویب سائٹس سے معلومات حاصل کرنے کے عمل کے دوران ایسی سرگرمیوں میں ملوث ہوا جو کمپنی کی جانب سے مطلوب نہیں تھیں۔
آسٹریلوی وزیرِ اعظم انتھونی البانیز نے بتایا کہ فی الحال ایسے شواہد نہیں ملے جن سے یہ ثابت ہو کہ واقعے کے دوران ذاتی معلومات تک رسائی حاصل کی گئی۔
وزیراعظم کے مطابق انہوں نے اوپن اے آئی کے سربراہ سیم آلٹمین سے بات چیت کے دوران واقعے پر شدید تشویش کا اظہار کیا۔
انہوں نے مزید کہا کہ معاملے کی تحقیقات آسٹریلوی سائبر سیکیورٹی ادارہ کرے گا۔
