لاہور کے علامہ اقبال انٹرنیشنل ایئرپورٹ پر مبینہ جعلی ٹکٹ کے ذریعے داخل ہونے والا مسافر سکیورٹی اہلکاروں کے ہاتھوں پکڑا گیا۔
ذرائع کے مطابق عبداللہ نامی مسافر مبینہ طور پر جعلی ٹکٹ استعمال کرتے ہوئے ایئرپورٹ کے انٹرنیشنل ڈیپارچر لاؤنج تک پہنچ گیا تھا۔
دوران چیکنگ ایئرپورٹ سکیورٹی فورس (اے ایس ایف) کے اہلکاروں کو مسافر کے ٹکٹ پر شک ہوا، جس کے بعد ٹکٹ سے متعلق تحقیقات کی گئیں۔
ذرائع کا کہنا ہے کہ مسافر کے پاس سعودی عرب کا مبینہ جعلی ٹکٹ موجود تھا۔ اے ایس ایف نے مسافر کو حراست میں لینے کے بعد قانونی کارروائی کے لیے پولیس کے حوالے کردیا۔
واقعے کے حوالے سے تھانہ سرور روڈ میں مقدمہ درج کرنے کے لیے درخواست بھی جمع کرا دی گئی ہے۔
