پشاور ہائیکورٹ نے خیبرپختونخوا اکنامک زون ڈیولپمنٹ اینڈ منیجمنٹ کمپنی (KPEZDMC) کے دفتر کو جاری کیا گیا 24 لاکھ روپے پراپرٹی ٹیکس کا نوٹس معطل کرتے ہوئے ایکسائز ڈیپارٹمنٹ اور دیگر متعلقہ حکام سے جواب طلب کر لیا ہے۔ جسٹس اعجاز انور اور جسٹس بابر ستار پر مشتمل دو رکنی بنچ کے سامنے وکیل ناصر محمود ایڈووکیٹ نے موقف اپنایا کہ کے پی ایزمک صوبائی حکومت کا ماتحت ادارہ ہے اور قانون کے مطابق حکومتی پراپرٹی پر ٹیکس لاگو نہیں ہوتا، جس پر عدالت نے 16 جون کا ٹیکس نوٹس معطل کرنے کے احکامات جاری کر دیے۔
