سائوتھ ایشین گیمز، وزیر اعظم نے 11ارب روپے کی منظوری دے دی

وزیر اعظم شہباز شریف نے چودہویں ساتھ ایشین گیمز کی میزبانی کے لئے 11 ارب روپے کے فنڈز کی منظوری دے دی۔ذرائع کے مطابق وزیر اعظم شہباز شریف نے سائو تھ ایشین گیمز کی تیاریاں فوری شروع کرنے کی ہدایت کردی ۔سائو تھ ایشین گیمز آندہ سال مارچ میں منعقد ہونے ہیں۔ پاکستان 22 سال بعد ساتھ ایشین گیمز کی میزبانی کرے گا۔ ذرائع کا کہنا ہے کہ سائوتھ ایشین گیمز کے لیے منظور فنڈز مرحلہ وار جاری ہوں گے۔ فنڈز اسٹیڈیمز کی اپ گریڈیشن، لاجسٹک، گیمز تقریبات اور انتظامی امور پر خرچ ہوں گے۔ذرائع کا مزید کہنا ہے کہ سائو تھ ایشین گیمز سیکریٹریٹ اسلام آباد میں قائم کیا جائے گا۔ سیکریٹریٹ گیمز کی تمام تیاریوں کی نگرانی کرے گا۔