لوئر دیر’ گاڑی کھائی میں گرنے سے 3خواتین جاں بحق

لوئر دیر میں پک اپ گاڑی گہری کھائی میں گرنے سے 3خواتین جاں بحق جبکہ کئی افراد زخمی ہو گئے ۔مقامی ذرائع کے مطابق واقعہ لوئر دیر کے علاقہ ادینزئی اسنبڑں ناوگئی میں پیش آیا جہاں پک اپ گاڑی گہری کھائی میں جا گری ۔حادثے کے نتیجے میں تین خواتین موقع پر جاں بحق جبکہ کئی افراد زخمی ہو گئے ۔جاں بحق خواتین کی نعشوں اور زخمیوں کو فوری طور پر چکدرہ اور سوات ہسپتال منتقل کردیا گیا ۔