الخدمت نکاح آسان پروگرام کے تحت 28جوڑوں کی رخصتی

الخدمت فاونڈیشن خیبرپختونخواکے نکاح آسان پراجیکٹ کے تحت مردان کے مقامی شادی ہال میں28مستحق اور یتیم جوڑوں کی رخصتی کے موقع پر انہیں روزمرہ استعمال کاضروری گھریلوں سامان فراہم کرنے کے لئے ایک پروقار تقریب کا اہتمام کیا گیا جس میں صوبہ خیبرپختونخوا کے چار اضلاع چارسدہ ،نوشہرہ ،صوابی اور مردان سے تعلق رکھنے والے28 مستحق اور یتیم جوڑوں کو مجموعی طور پر 30لاکھ روپے مالیت کے گھریلوں سامان پر مشتمل شادی کے تخائف فراہم کئے گئے اجتماعی رخصتی کی اس تقریب میں فی جوڑا ایک لاکھ روپے مالیت سے زائد کے تخائف دیئے گئے جن میں واشنگ مشین،پیڈسٹل فین،کراکری،ڈنر،ٹی،واٹراور باتھ روم سیٹ،کمبل،رضائیاں،ونٹر پیکج،کپڑے جوتے اورروزمرہ گھریلوں استعمال کی دیگر18اشیا شامل تھے۔اس موقع پر الخدمت فاونڈیشن کے صوبائی نائب صدر تاج الملوک اور جماعت اسلامی ضلع مردان کے امیر غلام رسول مہمان خصوصی تھے تقریب میں الخدمت فاونڈیشن صوابی کے صدر اخترجاویداور ضلع مردان کے صدر ڈاکٹر ارشداحمد سمیت دیگر قائدین اور معززین شہر نے کثیر تعداد میں شرکت کی۔تقریب میں 28جوڑوں کے عزیزوں کے لئے ظہرانے کا بھی اہتمام کیاگیا تھا۔