کراچی کے نیٹی جیٹی پل پر فائرنگ سے موٹر سائیکل سوار زخمی

 

کراچی کے علاقے ڈاکس میں واقع نیٹی جیٹی پل پر نامعلوم مسلح افراد کی فائرنگ سے موٹر سائیکل سوار شہری زخمی ہوگیا، جسے طبی امداد کے لیے سول اسپتال منتقل کردیا گیا۔

پولیس کے مطابق زخمی شخص کی شناخت 30 سالہ نثار احمد ولد نذیر احمد کے نام سے ہوئی ہے۔

ابتدائی اطلاعات کے مطابق فائرنگ کا واقعہ مبینہ طور پر ڈکیتی کے دوران مزاحمت کے نتیجے میں پیش آیا۔

تاہم ایس ایچ او ڈاکس پرویز سولنگی کا کہنا ہے کہ مسلح ملزمان نے موٹر سائیکل سوار کے نہ رکنے پر سڑک پر فائرنگ کی، جس کے باعث وہ پتھر سے ٹکرا کر گر گیا اور زخمی ہوگیا۔

پولیس حکام کے مطابق ابھی تک واقعے کے درست مقام اور حالات کا تعین نہیں ہوسکا۔ پولیس واقعے سے متعلق مزید معلومات جمع کررہی ہے تاکہ فائرنگ کی اصل وجہ سامنے لائی جاسکے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Fill out this field
Fill out this field
براہ مہربانی درست ای میل ایڈریس درج کریں۔
You need to agree with the terms to proceed