ہنگو میں گھر کے اندر فائرنگ’ ایک ہی خاندان کے 6 افراد جاں بحق

ضلع ہنگو کے علاقے سروخیل میں گھر کے اندر فائرنگ کے نتیجے میں خواتین اور بچوں سمیت 6 افراد جاں بحق ہوگئے۔ڈسٹرکٹ پولیس آفیسر (ڈی پی او)صلاح الدین کنڈی کے مطابق واقعہ تھانہ دوآبہ کی حدود میں پیش آیا، جہاں گھر کے اندر فائرنگ سے 6 افراد جان کی بازی ہار گئے۔ڈی پی او کے مطابق جاں بحق ہونے والوں میں دو خواتین، تین بچے اور ایک مرد شامل ہیں، پولیس نے لاشوں کو دوآبہ ہسپتال منتقل کردیا ہے۔صلاح الدین کنڈی کا کہنا ہے کہ واقعے کی وجوہات اور محرکات جاننے کے لیے ہر پہلو سے تحقیقات کی جارہی ہیں۔واقعے کی اطلاع ملتے ہی پولیس کی بھاری نفری موقع پر پہنچ گئی، جبکہ ملزمان کی گرفتاری کے لیے سرچ آپریشن اور تلاش کا سلسلہ جاری ہے۔ ہنگو میں سگے بھائی کی فائرنگ سے ایک ہی خاندان کے 6 افراد جاں بحق ہوگئے۔ڈی پی او ہنگو کے مطابق جاں بحق ہونے والوں میں نور رحمان بھائی، اہلیہ مریم، بیٹی حمزہ بی بی، 15 سالہ بیٹی جمیلہ، 3 سالہ بیٹا فہد اور ایک سال بیٹا افسر شامل ہے۔واقعے کے بعد پولیس نے سرچ آپریشن شروع کر دیا ہے، ملزم فائرنگ کے بعد فرار ہوگیا جبکہ گرفتاری کے لیے مختلف مقامات پر تلاش جاری ہے۔واضح رہے کہ سگے بھائی کی جانب سے فائرنگ کرنے کی وجہ تاحال معلوم نہیں ہو سکی۔