محکمہ موسمیات کے مطابق بلوچستان کے شمالی علاقوں میں سردی کی شدت میں نمایاں اضافہ ہو گیا ہے۔ صوبے کے وادی قلات میں درجہ حرارت ایک ڈگری سینٹی گریڈ تک گر گیا ہے، جو صوبے کا سرد ترین مقام رہا۔ موسمیاتی تجزیہ کاروں کا کہنا ہے کہ آنے والے دنوں میں بلوچستان کے بیشتر اضلاع میں موسم مسلسل خشک اور سرد رہنے کا امکان ہے۔ رات کے اوقات میں درجہ حرارت میں مزید کمی دیکھی جا سکتی ہے جبکہ صبح کے وقت بھی ٹھنڈی ہواؤں کا سلسلہ جاری رہے گا۔
