میکسیکو میں ایک 96 سالہ خاتون نے 18 سالہ نوجوان سے شادی کر کے ملک میں عمر کے سب سے بڑے فرق کی شادی کا نیا ریکارڈ قائم کر دیا ہے۔
برطانوی ذرائع ابلاغ کی رپورٹ کے مطابق یہ انوکھا واقعہ میکسیکو کی ریاست کینٹانا رو کے علاقے اوتھون پی بلانکو میں پیش آیا، جہاں دلہن اور دلہا کے درمیان 78 برسوں کا طویل فرق موجود ہے۔ اس تاریخی شادی کی تفصیلات حال ہی میں میکسیکو کے نیشنل انسٹیٹیوٹ آف اسٹیٹیٹکس اینڈ جیوگرافی کی جانب سے جاری کردہ اعداد و شمار کے ذریعے منظر عام پر آئیں۔ تاہم، سرکاری ریکارڈز میں اس جوڑے کی شناخت اور ناموں کو مکمل طور پر پاسِ راز رکھا گیا ہے۔
ادارے کی جانب سے سال 2025 کے لیے جاری کردہ اس رپورٹ میں ایسی ہی چند دیگر حیران کن شادیوں کی نشاندہی بھی کی گئی ہے۔ ان اعداد و شمار کے مطابق میکسیکو کے علاقے موریلا میں 96 سالہ خاتون نے 19 سالہ نوجوان سے شادی کی، جبکہ ایک اور علاقے میں 90 سالہ شخص کی 18 سالہ لڑکی سے شادی بھی درج کی گئی۔
