پشاور ہائیکورٹ کے جسٹس سید ارشد علی اور جسٹس بابر ستار پر مشتمل دو رکنی بنچ نے کوہستان میگا کرپشن سکینڈل میں نامزد ایک خاتون کو قومی احتساب بیورو (نیب) کی جانب سے جاری کیے گئے نوٹس کے خلاف دائر درخواست پر سماعت کرتے ہوئے نیب نوٹس کی معطلی کے احکامات میں توسیع کر دی ہے۔سماعت کے دوران درخواست گزارہ کے وکیل حسنین طارق ایڈووکیٹ اور نیب کی جانب سے سپیشل پراسیکیوٹر ارباب کلیم اللہ عدالتِ عالیہ کے سامنے پیش ہوئے۔ وکیلِ صفائی نے موقف اختیار کیا کہ نیب نے ان کی موکلہ کو ذاتی پیشی کا نوٹس جاری کرتے ہوئے موقف اپنایا ہے کہ ان کے بینک اکاؤنٹ میں رقم منتقل ہوئی ہے۔ انہوں نے عدالت کو آگاہ کیا کہ مذکورہ رقم خاتون کے شوہر کے اکاؤنٹ سے ٹرانسفر ہوئی تھی اور ان کے شوہر کے خلاف پہلے سے انکوائری جاری ہے جن کی عبوری ضمانت منظور ہو چکی ہے۔دورانِ سماعت جسٹس سید ارشد علی نے استفسار کیا کہ کیا نیب کی جانب سے اس معاملے پر اپنا باقاعدہ جواب جمع کروا دیا گیا ہے؟ اس پر نیب کے سپیشل پراسیکیوٹر نے موقف اختیار کیا کہ جواب کی تیاری کے لیے مزید مہلت فراہم کی جائے۔ پشاور ہائیکورٹ نے نیب کو آیندہ سماعت پر لازمی رپورٹ جمع کرانے کی سخت ہدایت کرتے ہوئے خاتون کو جاری نیب نوٹس کی معطلی کے حکم میں توسیع کی اور کیس کی مزید سماعت ملتوی کر دی۔
اہم خبریں
بی آر ٹی میں نئی بسیں شامل’ خواتین کیلئے پنک بس سروس کا آغاز2026ء میں کوئی پاکستانی ایئرلائن بروقت روانگی کی شرط پوری نہ کرسکیہماری صفوں میں میر جعفر اور میر صادق بھی ہیں،لانگ مارچ ضرور ہوگا، بجلی صارفین پر مزید بوجھ ،فی یونٹ 1.73 روپے مہنگا ہونے کا امکانخیبرپختونخوا کی تمام عمارتوں میں معذور افراد کے لیے ریمپس اور سہویوگنڈا میں صحافی کو بادشاہ بنانے کا اعلانگورنمنٹ کالج چوک میں طلبہ تنظیمیں گتھم گتھا، متعدد زخمی’ روڈ بلخیبرپختونخوا سکیورٹی پر سب سے زیادہ وسائل خرچ کر رہا ہے’ مشیر خنوشہرہ’مکان کی چھت گرنے سے 4افراد دب گئے، خاتون جاں بحقپاکستان مسلم لیگ (ق)لائیرز ونگ کا ہنگامی اجلاس،صوبے کی صورتحال کاج
