خیبرپختونخوا کے وزیرِ قانون آفتاب عالم نے سابق چیٔرمین عابد خان، پاکستان تحریک انصاف کے مقامی رہنماؤں اور کارکنوں کے ہمراہ ڈھوڈہ روڈ کی تعمیر و بحالی کے کام کا افتتاح کر دیا۔ یہ روڈ گزشتہ 25 سالوں سے تعمیر و مرمت کا منتظر تھا۔ خستہ حالی کے باعث علاقے کے مکینوں کو طویل عرصے سے آمدورفت میں مشکلات کا سامنا تھا۔ افتتاحی تقریب سے خطاب کرتے ہوئے آفتاب عالم نے کہا کہ ماضی کے برعکس وہ خالی خولی نعروں کے بجائے عملی کام پر یقین رکھتے ہیں اور عوامی مسائل کے حل کو ترجیح دی جا رہی ہے۔ انہوں نے کہا کہ ترقیاتی کام عوام کا حق ہیں، کسی پر احسان نہیں۔ ان کے بقول، عوام نے اپنے قیمتی ووٹ کے ذریعے نمائندوں کو اقتدار کے ایوانوں تک پہنچایا ہے اس لئے منتخب نمائندوں کی ذمہ داری ہے کہ وہ عوام کے اعتماد پر پورا اتریں۔ وزیرِ قانون نے کہا، "ہم عوام کو ہرگز مایوس نہیں کریں گے اور ترقیاتی منصوبوں کے ذریعے ان کے دیرینہ مسائل کے حل کیلئے عملی اقدامات جاری رکھیں گے۔” انہوں نے ڈھوڈہ روڈ کی تکمیل کو علاقے کے عوام کے دیرینہ مطالبے کی تکمیل کی جانب اہم قدم قرار دیتے ہوئے کہا کہ منصوبے کی تکمیل سے مقامی آبادی کو آمدورفت میں سہولت ملے گی اور علاقے میں بنیادی ڈھانچے کی صورتحال بہتر ہوگی۔ افتتاحی تقریب میں مقامی سیاسی رہنماؤں اور کارکنوں نے شرکت کی، جبکہ مقررین نے منصوبے پر کام کے آغاز کو علاقے میں ترقیاتی سرگرمیوں کے تسلسل کی علامت قرار دیا۔
اہم خبریں
جمرود فائرنگ’ ایس ایچ او ملاگوری شہید’ گرفتار 2 سمگلر بھی مارعوام کو مایوس نہیں کرینگے ‘ اعتماد پر پورا اتریں گے’ آفتاب عاکوشش ہوگی ‘ لانگ مارچ 4 اکتوبر سے آگے نہ جائے، جنید اکبر4 اکتوبر کو بھی مارچ ہوتا دکھائی نہیں دے رہا ‘شیر افضل مروتلانگ مارچ موخر ‘بانی کا سہیل آفریدی کیخلاف عدم اعتماد لانے کا حخیبرپختونخوا کو اعتماد میں لئے بغیر امن قائم نہیں ہو سکتا’ سہیلتیمور جھگڑا کے بعد کامر بنگش اور عرفان سلیم کا عدالت سے رجوعپشاور میں عدالتی احاطہ سے مزید 2 جعلی وکلاء گرفتارکوہاٹ پولیس لائنز حملہ، دہشتگردوں کی ریکی اور سہولت کاری کے شواہد فضل شکور اغواء کیس’ آئی جی کو تحقیقات ‘ فوری بازیابی کا حکم
