پشاور کے علاقوں متنی اور چوکی سرہ خاورہ کے اطراف پولیس اور سیکورٹی فورسز نے ٹارگٹڈ سرچ اینڈ سٹرائیک آپریشن کیا۔ اس کارروائی کی قیادت ایس پی صدر فدا حسین نے کی، جبکہ پاک آرمی، آر آر ایف، ایلیٹ فورس اور لوکل پولیس کے جوان بھی شریک ہوئے۔
آپریشن کے دوران گھر گھر سرچنگ کی گئی اور جدید ٹیکنالوجی کے ساتھ اینٹی ڈرون گنز کا استعمال کیا گیا تاکہ کسی بھی ممکنہ خطرے کو بروقت ناکام بنایا جا سکے۔ حکام کے مطابق امن و امان کے قیام کے لیے اس نوعیت کے سرچ اینڈ سٹرائیک آپریشنز کا سلسلہ آئندہ بھی جاری رہے گا۔
