روسی صدر ولادیمیر پیوٹن نے کہا ہے کہ روس اور پاکستان کے تعلقات کامیابی کے ساتھ فروغ پا رہے ہیں اور دونوں ممالک کے مابین اہم علاقائی اور عالمی امور پر بھی باہمی تعاون جاری ہے۔انہوں نے اپنے پیغام میں پاکستان کے یوم آزادی پر مبارک باد پیش کرتے ہوئے پاکستانی عوام کے لیے امن، خوشحالی اور نیک خواہشات کا اظہار کیا ہے۔ولادیمیر پیوٹن نے کہا کہ روس اور پاکستان سیاسی، تجارتی، اقتصادی، انسانی ہمدردی اور دیگر شعبوں میں نتیجہ خیز تعاون جاری رکھے ہوئے ہیں۔روسی صدر نے کہا کہ انہیں یقین ہے کہ دونوں ملک اپنے عوام کے باہمی مفاد میں دوطرفہ شراکت داری کے تمام شعبوں کو مزید مضبوط بنائیں گے۔
