اسٹیٹ بینک کا شرح سود 11.50 فیصد پر برقرار رکھنے کا فیصلہ

اسٹیٹ بینک آف پاکستان کی مانیٹری پالیسی کمیٹی نے آئندہ ڈیڑھ ماہ کے لیے پالیسی ریٹ 11.50 فیصد پر برقرار رکھنے کا فیصلہ کیا ہے۔
کمیٹی نے موجودہ معاشی حالات، مہنگائی کے رجحانات اور عالمی منڈیوں میں غیر یقینی صورتحال کو مدنظر رکھتے ہوئے شرح سود میں تبدیلی نہ کرنے کا فیصلہ کیا۔
جائزے میں بتایا گیا کہ مشرق وسطیٰ میں امن کی امیدوں کے باوجود عالمی سطح پر خام تیل کی قیمتوں میں اتار چڑھاؤ افراط زر پر اثرانداز ہوسکتا ہے۔
گزشتہ جائزے میں شرح سود 100 بیسس پوائنٹس بڑھا کر 11.50 فیصد کی گئی تھی، جس کی وجہ مہنگائی کے دباؤ اور بیرونی عوامل کو قرار دیا گیا تھا۔
تازہ فیصلے کے بعد آئندہ ڈیڑھ ماہ تک پالیسی ریٹ اسی سطح پر برقرار رہے گا۔
کاروباری، مالیاتی اور سرمایہ کاری کے شعبے اس فیصلے پر گہری نظر رکھے ہوئے ہیں۔
مستقبل کے فیصلے مہنگائی، عالمی تیل کی قیمتوں اور مجموعی معاشی صورتحال پر منحصر ہوں گے۔
یہ مالی سال 2025-26 کا آخری مانیٹری پالیسی جائزہ تھا۔