نوشہرہ کی کلاتھ مارکیٹ میں گزشتہ رات لگنے والی ہولناک آگ نے کروڑوں روپے مالیت کا کپڑا، کمبل، جوتے اور دیگر تجارتی سامان جلا کر راکھ کر دیا، جبکہ مارکیٹ میں قائم سینکڑوں دکانیں شدید متاثر ہوئیں۔ریسکیو ذرائع کے مطابق آگ پر قابو پانے کے لیے ریسکیو 1122 اور فائر بریگیڈ کی ٹیموں نے مسلسل آٹھ گھنٹے تک آپریشن جاری رکھا، جس کے بعد آگ کو مکمل طور پر بجھا دیا گیا اور کولنگ کا عمل بھی مکمل کر لیا گیا۔آتشزدگی کے نتیجے میں کلاتھ مارکیٹ کی تہہ بازاری میں قائم تمام دکانیں مکمل طور پر جل گئیں جبکہ تہہ بازاری سے ملحق متعدد پکی دکانیں بھی شدید نقصان کا شکار ہوئیں۔ تاجروں کے مطابق مارکیٹ میں موجود کپڑا، کمبل، جوتے اور دیگر سامان مکمل طور پر تباہ ہو چکا ہے جس سے کروڑوں روپے کا نقصان ہوا ہے۔واقعے کے بعد متاثرہ تاجروں نے شوبرا چوک پر احتجاج کرتے ہوئے مطالبہ کیا کہ آگ لگنے کی وجوہات کا تعین کرنے کے لیے شفاف انکوائری کرائی جائے اور ذمہ دار عناصر کو بے نقاب کیا جائے۔تاجروں نے حکومت سے فوری مالی امداد، نقصانات کے ازالے، کرایوں میں ریلیف اور متاثرہ کاروباری افراد کے لیے نئی دکانوں کی تعمیر کا اعلان کرنے کا بھی مطالبہ کیا ہے۔انجمن تاجران کے رہنماں کا کہنا ہے کہ سینکڑوں خاندانوں کا روزگار اس مارکیٹ سے وابستہ تھا اور آتشزدگی کے باعث متعدد کاروباری افراد معاشی بحران کا شکار ہو گئے ہیں۔دوسری جانب متعلقہ اداروں نے آگ لگنے کی وجوہات جاننے کے لیے تحقیقات کا آغاز کر دیا ہے، تاہم تاحال آتشزدگی کی اصل وجہ سامنے نہیں آ سکی۔ حکام کا کہنا ہے کہ تحقیقات مکمل ہونے کے بعد واقعے کی حتمی رپورٹ جاری کی جائے گی۔
اہم خبریں
سردریاب میں کشتی الٹ گئی’ خاتون جاں بحق’6 افراد کو بچا لیاگیاپختونوں کا مستقبل ہتھیار نہیں’ شعور اور ہنر سے جڑا ہے’ایمل وصوبائی وزیر ڈاکٹر امجد علی اور دیگر افسران کیخلاف درخواست ناقابلِ80 سے زائد وکلاء کو پریکٹس کے لائسنس جاریگلگت بلتستان میں پی ٹی آئی ہی کامیاب ہوگی’ معظم بٹ ایڈووکیٹپشاور،تبلیغ پر 40 دن لگا کر واپس آنے والا نوجوان قتلصوبائی وزیر مینا خان آفریدی کو بیرون ملک جانے سے روک دیاگیاکشمیر کی مہاجرین نشستوں پر حکومتی موقف درست قرارنوشہرہ میں خوفناک آتشزدگی’کلاتھ مارکیٹ راکھ کا ڈھیر بن گئیآن لائن فراڈ ‘ سخاکوٹ کے درجنوں افراد لٹ گئے
