چینی سائنسدانوں نے کوئلے سے بجلی پیدا کرنیوالی ڈیوائس تیار کرلی

چین میں سائنسدانوں نے کوئلے سے بجلی کے ماحول دوست ذریعے کو ممکن بنادیا۔انہوں نے ایسی بیٹری جیسی ڈیوائس تیار کی ہے جس میں کوئلے کو جلانے کی ضرورت نہیں ہوتی بلکہ اس کا سسٹم کوئلے کی کیمیائی توانائی کو بجلی میں تبدیل کر دیتا ہے اس طرح کابن ڈائی آکسائیڈ کا اخراج نہیں ہوتا۔غیرملکی میڈیارپورٹ کے مطابق شینزن یونیورسٹی کے سائنسدانوں نے اس بیٹری کی تیاری میں کامیابی حاصل کی اور اسے کوئلے کے فیول سیل کا نام دیا گیا ہے۔سائنسدانوں کے مطابق یہ کانسیپٹ بیٹری مثر انداز سے کوئلے کو برقی کیمیکل توانائی کے ذریعے کے طور پر استعمال کرتی ہے اور اسے جلاتی نہیں۔انہوں نے بتایا کہ اس سسٹم میں کوئلہ کثیر الجہتی عمل سے گزرتا ہے جس کے بعد بجلی پیدا ہوتی ہے۔سیل کے اندر کوئلے کے ذرات پیچیدہ عمل سے گزر کر بجلی پیدا کرتے ہیں اور روایتی طریقے سے بجلی پیدا کرنے کی ضرورت نہیں ہوتی۔سائنسدانوں نے بتایا کہ اس سسٹم میں توانائی ضائع بھی نہیں ہوتی جو کوئلے کو جلانے کے عمل کے دوران ضائع ہوتی ہے۔ابھی یہ کانسیپٹ سسٹم ہے اور اسے مزید بہتر بنانے کی ضرورت ہے۔