بر وقت انتخابات کے انعقاد کا چیلنج!

یہ ملک کی سیاسی تاریخ میں پہلی بار ہو رہا ہے کہ الیکشن کمیشن آف پاکستان کومختصر مدت میں بہت حلقوں پر بار بار انتخابات کروانے پڑرہے ہیں ۔ یاد رکھنا چاہیے کہ جتنے زیادہ ضمنی انتخابات ہو ں گے اس کا بوجھ سرکاری خزانے پر پڑے گا ۔ اگرچہ ایسے شیڈول کے ہوتے تمام سیاسی جماعتوں اور الیکشن کمیشن سب ہی کو آنے والے انتخابات کی تیاریوں میں مصروف ہونا چاہیے مگر ہم ایک ایسے ملک میں رہتے ہیں ہیں جو افواہوں پر پروان چڑھتا ہے ۔ تازہ ترین ایک مسلسل افواہ یہ ہے کہ انتخابات میں تاخیر کی کوششیں جاری ہیں ۔ انتخابات میںاگر کوئی چیز سب سے بڑی رکاوٹ ہو سکتی ہے تو وہ پاکستان کی پہلی ڈیجیٹل آبادی اور ہاسنگ مردم شماری ہے ۔ مردم شماری ایک ماہ تک جاری رہے گی اور یکم اپریل کو ختم ہوگی جبکہ حکومت کا کہنا ہے کہ عام انتخابات نئی مردم شماری کے مطابق ہوں گے ۔ اگر مردم شمار ی مکمل ہو نے او ر اس کے نتائج سامنے آنے میں مزید تاخیر ہو تی ہے تو اس کے باعث مذکورہ بالا تمام انتخابات بھی تاخیر کا شکار ہوسکتے ہیں ۔ اس صورت حال میںفطری سوال یہ پیدا ہوتا ہے کہ انتخابات کیسے ملتوی ہوسکتے ہیں؟ اور اگر یہ سچ ہے تو ایسا کرنے کے لیے کس قسم کے ذرائع استعمال کیے جائیں گے یا استعمال کیے جا سکتے ہیں؟ اس کے ارد گرد کی سیاست سے قطع نظر سوال یہ ہے کہ ہم اپنی تاریخ میں اس ناقابلِ رشک مقام تک کیسے پہنچے اگرچہ آئین بالکل واضح ہے کہ اسمبلیاں کی مدت پوری ہونے یا تحلیل ہونے کے بعد انتخابات کب ہونے ہیں۔ کسی بھی حکومت کی جانب سے انتخابات میں تاخیر ایک بری مثال قائم کرتی ہے۔ درحقیقت ایسا لگتا ہے کہ ہم گزشتہ چند سالوں سے ایک بری نظیر کے سنگین معاملے سے دوچار ہیںجس میں سے کم از کم ہماری سیاسی جماعتوں نے سیاست کو ملک اس کے عوام اور اس کے مستقبل سے بالاتر رکھنے کا انتخاب کیا ہے۔اسلئے انتخابات کی تاریخوں پر جھگڑے کی بجائے اہم بات یہ ہے کہ تمام سیاسی جماعتیں مستقبل کی سیاست کے لیے کھیل کے کچھ اصولوں پر متفق ہو جائیں۔ ایسا لگتا ہے کہ یہ سول سوسائٹی میں بڑھتی ہوئی تشویش بھی تمام جماعتوں سے ملک میں انتخابات کے لیے موجودہ قانونی ڈھانچے میں موجود کمزوریوں کے حوالے سے فوری طور پر ایک جامع بات چیت شروع کرنے کے لیے کہہ رہی ہے۔ ملک کی قیادت اور اداروں کو یہ نہیں بھولنا چاہیے کہ انتخابی اصلاحات ایک اہم مسئلہ ہے کیونکہ اس کی وجہ اپوزیشن میں موجود تمام جماعتیں ہمیشہ خوفزدہ رہتی ہیں کہ انتخابات میں اس کے ساتھ زیادتی نہ ہو جائے۔اس لئے جب تک تمام سیاسی جماعتوں کو یہ احساس نہیں ہو جاتا کہ اس شیطانی چکر کو ختم ہونا ہے انتخابات سے چہروں کو تبدیل کرنے کے علاوہ کچھ زیادہ نہیں ہوگا۔ اب بھی پنجاب میں نئے نگران سیٹ اپ کو پی ٹی آئی نے مسترد کر دیا ہے اور ای سی پی مسلسل عمران خان اور ان کی پارٹی قیادت کے حملوں کی زد میں ہے۔ ایسے حالات میں الیکشن ہارنے والی کسی بھی جماعت کے لیے انتخابی نتائج کیسے قابل قبول ہوں گے؟افسوس کی بات یہ ہے کہ کسی بھی قسم کی ہمدردی یا یہاں تک کہ رواداری کا فی الحال دور کا امکان نظر آتا ہے عمران خان کے اس تازہ ترین الزام کا کیا ہوگا جس میں انہوں نے آصف زرداری پر قاتلانہ حملے کی منصوبہ بندی کا الزام لگایا ہے۔ چونکہ ملک کی کرنسی کمزور ہو رہی ہے اور لوگ اپنے آپ کو اسکے برے اثر کے لیے تیار کر رہے ہیں ہمارے جھگڑے کرنے والے سیاست دان شاید پیچھے ہٹنا چاہیے اور ملک کا سوچنا چاہیے ۔ اب دونوں فریق کو یہ سمجھنے کی ضرورت ہے کہ وقت ختم ہو رہا ہے۔ ہمیں جس چیز کی ضرورت ہے وہ جمہوریت کے ایک نئے اور جامع میثاق کی ہے مگر یہ ایک دوسرے کو تسلیم کیے بغیر نہیں ہوگا۔ اس لئے ضرورت اس امر کی ہے کہ تمام فریق اپنی حدود میں رہیں اور ملک میں جمہوری عمل چلنے دیں ۔md.daud78@gmail.com