باجوڑ سے تعلق رکھنے والے نوجوان کرکٹر رضوان اللہ پاکستان انڈر 19 کرکٹ ٹیم کے ہمراہ انگلینڈ روانہ ہوگئے ہیں۔ قومی انڈر 19 ٹیم انگلینڈ کے دورے کے دوران ایک چار روزہ یوتھ ٹیسٹ اور چار یوتھ ون ڈے میچز کھیلے گی، جن کا سلسلہ 2 سے 16 ستمبر تک جاری رہے گا۔رضوان اللہ کی قومی انڈر 19 ٹیم میں شمولیت پر باجوڑ کے کھیلوں سے وابستہ حلقوں اور کرکٹ شائقین نے خوشی کا اظہار کرتے ہوئے اسے علاقے کے لیے اعزاز قرار دیا ہے۔
انہوں نے امید ظاہر کی کہ رضوان اللہ انگلینڈ کے دورے میں بہترین کارکردگی کا مظاہرہ کرکے پاکستان اور باجوڑ کا نام روشن کریں گے
