لندن:رپورٹ،سید عاصم علی قادری
انگلینڈ کے کپتان اور بائرن میونخ کے اسٹار اسٹرائیکر ہیری کین کو جرمنی کا فٹبالر آف دی ایئر 2026 منتخب کرلیا گیا ہے۔ اس اعزاز کے ساتھ ہیری کین یہ ایوارڈ حاصل کرنے والے پہلے انگلش فٹبالر بھی بن گئے ہیں۔ جرمن اسپورٹس جرنلسٹس کی تنظیم کے ارکان نے ووٹنگ کے ذریعے کین کو سال کا بہترین کھلاڑی قرار دیا۔ کین نے مجموعی طور پر 272 ووٹ حاصل کیے، جبکہ بائرن میونخ کے ساتھی مائیکل اولیزے 203 ووٹ کے ساتھ دوسرے اور ڈینیز اونداو 61 ووٹ کے ساتھ تیسرے نمبر پر رہے۔ہیری کین نے 2025_26 سیزن میں بائرن میونخ کی جانب سے تمام مقابلوں میں 51 میچوں میں 61 گول اسکور کیے، جبکہ جرمن بنڈس لیگا میں 36 گول کے ساتھ ٹاپ اسکورر رہے۔ ان کی شاندار گول اسکورنگ کی بدولت بائرن میونخ نے بنڈس لیگا اور جرمن کپ، DFB-Pokal کے ٹائٹل اپنے نام کیے، جبکہ کین نے یورپ کی بڑی لیگز میں سب سے زیادہ گول کرنے پر European Golden Shoe بھی حاصل کیا۔جرمنی کے فٹبالر آف دی ایئر کا اعزاز کین کے لیے اس لیے بھی خاص اہمیت رکھتا ہے کہ وہ انگلینڈ سے تعلق رکھنے والے پہلے کھلاڑی ہیں جنہیں اس اعزاز سے نوازا گیا ہے ۔
کین نے کلب اور ملک کی جانب سے اپنے کیریئر میں 500 سے زائد گول کیے ہیں۔ وہ ٹوٹنہم ہاٹ اسپر کے تاریخ کے سب سے زیادہ گول کرنے والے کھلاڑی ہیں، جہاں انہوں نے 280 گول کیے۔ انگلینڈ کی قومی ٹیم کے لیے بھی وہ تاریخ کے سب سے زیادہ گول کرنے والے کھلاڑی ہیں، جبکہ UEFA چیمپئنز لیگ میں کسی بھی انگلش کھلاڑی کے مقابلے میں ان کے گول سب سے زیادہ ہیں۔ پریمیئر لیگ کی تاریخ میں وہ دوسرے سب سے زیادہ گول کرنے والے کھلاڑی ہیں۔ہیری کین 28 جولائی 1993 کو لندن کے وائپس کراس یونیورسٹی ہسپتال میں پیدا ہوئے۔ ان کے والد پیٹرک کین کا تعلق آئرلینڈ کے شہر گالوے سے تھا، اسی وجہ سے ہیری کین کا آئرش خاندانی پس منظر بھی ہے۔ ان کا خاندان پہلے والتھمسٹو میں رہتا تھا اور بعد میں چنگفورڈ منتقل ہوگیا۔ کین نے ابتدائی تعلیم لارکس ووڈ پرائمری اکیڈمی سے حاصل کی اور بعد میں چنگفورڈ فانڈیشن اسکول میں تعلیم حاصل کی،کین نے چھ سال کی عمر میں 1999 میں مقامی کلب رِج وے روورز سے فٹبال کھیلنا شروع کیا۔ ۔2004 میں 11 سال کی عمر میں انہوں نے واٹفورڈ کی اکیڈمی میں آزمائشی طور پر شمولیت اختیار کی۔ واٹفورڈ کی جانب سے ٹوٹنہم کے خلاف کھیلتے ہوئے ان کی کارکردگی نے ٹوٹنہم کے حکام کو متاثر کیا اور انہیں دوبارہ ٹوٹنہم کی اکیڈمی میں موقع دیا گیا۔2009-10 کے سیزن میں انہوں نے ٹوٹنہم کی انڈر 18 ٹیم کی جانب سے 22 میچ کھیلے اور 18 گول کیے۔ 2010 میں کین نے ٹوٹنہم کے ساتھ اپنا پہلا پروفیشنل معاہدہ کیا۔ جنوری 2011 میں انہیں لیگ ون کلب لیٹن اورینٹ کو قرض پر بھیج دیا گیا۔ وہاں انہوں نے 18 میچوں میں پانچ گول کیے۔اس کے بعد وہ مل وال کے لیے قرض پر کھیلے۔ 2011-12 کے سیزن میں انہوں نے 27 میچوں میں 9 گول کیے اور مل وال کے ینگ پلیئر آف دی ایئر کا اعزاز حاصل کیا۔2012 میں انہوں نے ٹوٹنہم کی پری سیزن مہم میں حصہ لیا اور ساوتھ اینڈ یونائیٹڈ کے خلاف ایک میچ میں ہیٹ ٹرک بھی کی۔ اگست 2012 میں انہوں نے پہلی مرتبہ پریمیئر لیگ میں ٹوٹنہم کی جانب سے شرکت کی۔اس کے بعد انہیں ناروچ سٹی کو قرض پر بھیجا گیا، جہاں انہیں انجری کا سامنا کرنا پڑا۔ بعد ازاں وہ لیسٹر سٹی کے لیے بھی قرض پر کھیلے۔ٹوٹنہم میں مستقل جگہ بنانا2013-14 کے سیزن میں کین نے ٹوٹنہم کے لیے اپنے گول کرنے کا سلسلہ شروع کیا۔ اپریل 2014 میں انہوں نے پہلی مرتبہ پریمیئر لیگ میں ٹوٹنہم کی ابتدائی ٹیم میں جگہ بنائی اور سنڈرلینڈ کے خلاف گول کیا۔اکتوبر 2014 میں انہوں نے یوروپا لیگ میں آسٹراس ٹرپولس کے خلاف ٹوٹنہم کی جانب سے اپنی پہلی پروفیشنل ہیٹ ٹرک کی۔جنوری 2015 میں وہ پریمیئر لیگ کے پلیئر آف دی منتھ منتخب ہوئے۔ اس کے بعد فروری میں بھی یہ اعزاز حاصل کیا۔ انہوں نے آرسنل کے خلاف نارتھ لندن ڈربی میں دو گول کیے 2014-15 کے سیزن کے اختتام پر کین نے 21 لیگ گول کیے۔ انہیں PFA Young Player of the Year منتخب کیا گیا 2015-16 کے سیزن میں انہوں نے 25 پریمیئر لیگ گول کیے اور پہلی مرتبہ پریمیئر لیگ کا Golden Boot جیتا۔انہوں نے ٹوٹنہم کے لیے ایک سیزن میں سب سے زیادہ پریمیئر لیگ گول کرنے کا کلب ریکارڈ بھی قائم کیا۔2016-17 میں کین نے 29 پریمیئر لیگ گول کیے اور مسلسل دوسری مرتبہ گولڈن بوٹ جیتا۔انہوں نے کئی ہیٹ ٹرکس کیں اور فروری 2017 میں انہوں نے اپنی 100ویں کلب سطح کی گول اسکورنگ مکمل کی۔وہ مسلسل تیسری مرتبہ PFA ٹیم آف دی ایئر میں شامل ہوئے۔ ٹوٹنہم نے اس سیزن میں پریمیئر لیگ میں دوسری پوزیشن حاصل کی۔ انہوں نے ایک کیلنڈر سال میں پریمیئر لیگ کے 39 گول کیے اور ایلن شیئرر کا 36 گول کا ریکارڈ توڑ دیا۔تمام مقابلوں میں انہوں نے 2017 کے دوران 56 گول کیے اور یورپ میں اس سال سب سے زیادہ گول کرنے والے کھلاڑی بن گئے۔ اس طرح انہوں نے لیونل میسی اور کرسٹیانو رونالڈو کی کئی سالہ برتری کو ختم کیا۔2018-19 میں کین نے ٹوٹنہم کو UEFA چیمپئنز لیگ کے فائنل تک پہنچنے میں اہم کردار ادا کیا۔2020-21 کا سیزن بھی کین کے لیے شاندار رہا۔ انہوں نے پریمیئر لیگ میں 23 گول کیے اور تیسری مرتبہ گولڈن بوٹ جیتا۔ وہ ایک ہی سیزن میں گولڈن بوٹ اور پلے میکر دونوں ایوارڈ جیتنے والے پہلے کھلاڑی بنے۔5 فروری 2023 کو کین نے مانچسٹر سٹی کے خلاف گول کرکے ٹوٹنہم کے لیے اپنا 267واں گول کیا اور جمی گریوز کا کلب ریکارڈ توڑ دیا۔ بعد میں 11 مارچ 2023 کو ناٹنگھم فاریسٹ کے خلاف دو گول کرکے انہوں نے یہ ریکارڈ مزید مستحکم کردیا۔2022-23 کے سیزن میں کین نے پریمیئر لیگ میں 30 گول کییاگست 2023 میں ہیری کین نے 14 سال ٹوٹنہم میں گزارنے کے بعد جرمن کلب بائرن میونخ میں شمولیت اختیار کرلی۔یہ منتقلی تقریبا 100 ملین یورو، جبکہ مزید 10 ملین یورو بونس پر ہوئی، جس کے باعث کین اس وقت بنڈس لیگا کی تاریخ کے سب سے مہنگے کھلاڑی بن گئے۔انہوں نے بائرن کے لیے اپنے پہلے ہی بنڈس لیگا میچ میں گول کیا اور جلد ہی جرمنی میں اپنی گول اسکورنگ کا سلسلہ شروع کردیا۔ 2023-24 میں کین نے بنڈس لیگا میں 36 گول کیے اور یورپ کا Golden Shoe جیتا۔وہ چیمپئنز لیگ کے بھی ٹاپ اسکورر رہے، جہاں انہوں نے آٹھ گول کیے۔ بائرن کے ساتھ اپنے پہلے سیزن میں انہوں نے کئی نئے ریکارڈ قائم کیے اور ثابت کیا کہ انگلینڈ سے جرمنی منتقل ہونے کے باوجود ان کی گول اسکورنگ صلاحیت میں کوئی کمی نہیں آئی۔2024-25 کے سیزن میں کین نے بائرن میونخ کے ساتھ اپنا پہلا بڑا کلب ٹائٹل جیتا جب بائرن نے بنڈس لیگا کا ٹائٹل اپنے نام کیا۔کین نے مسلسل دوسری مرتبہ بنڈس لیگا میں ٹاپ اسکورر کا اعزاز حاصل کیا اور انہیں Bundesliga Player of the Season بھی منتخب کیا گیا۔2025-26 کے سیزن میں انہوں نے یورپ کی ٹاپ پانچ لیگز میں کسی کلب کے لیے صرف 104 میچوں میں 100 گول مکمل کیے۔ انہوں نے چیمپئنز لیگ میں 50 گول بھی مکمل کیے۔فروری 2026 میں انہوں نے اپنے کیریئر کا 500واں گول مکمل کیا۔بعد ازاں وہ کلب اور ملک کے لیے ایک سیزن میں 70 گول مکمل کرنے والے کھلاڑیوں میں شامل ہوئے۔ سیزن کے اختتام پر انہوں نے بائرن کے لیے تمام مقابلوں میں 61 گول کیے۔انہوں نے DFB-Pokal کے فائنل میں ہیٹ ٹرک بھی کی اور بائرن کو کامیابی دلانے میں اہم کردار ادا کیا۔ اس کے ساتھ انہوں نے اپنا دوسرا یورپی گولڈن شو بھی جیتا۔ انڈر 19 سطح پر انہوں نے 14 میچوں میں چھ گول کیے۔2013 میں انہوں نے FIFA U-20 ورلڈ کپ میں انگلینڈ کی نمائندگی کی، جبکہ اسی سال انڈر 21 ٹیم میں بھی ڈیبیو کیا۔19 مارچ 2015 کو کین کو پہلی مرتبہ انگلینڈ کی سینئر ٹیم میں شامل کیا گیا۔27 مارچ 2015 کو لیتھوانیا کے خلاف ومبلے اسٹیڈیم میں انہوں نے انگلینڈ کی جانب سے ڈیبیو کیا۔ وہ دوسرے ہاف میں وین رونی کی جگہ میدان میں آئے اور صرف 80 سیکنڈ بعد ہیڈ کے ذریعے اپنا پہلا بین الاقوامی گول کردیا۔2018 کے FIFA ورلڈ کپ میں کین کو انگلینڈ کا کپتان بنایا گیا۔انہوں نے تیونس کے خلاف دو گول کیے اور پاناما کے خلاف شاندار ہیٹ ٹرک کی۔ اس کے بعد کولمبیا کے خلاف پری کوارٹر فائنل میں بھی پنالٹی پر گول کیا۔ٹورنامنٹ میں کین نے مجموعی طور پر 6 گول کیے اور ورلڈ کپ کا Golden Boot جیت لیا۔ وہ 1986 میں گیری لائنکر کے بعد ورلڈ کپ گولڈن بوٹ جیتنے والے پہلے انگلش کھلاڑی بنے۔انگلینڈ نے سیمی فائنل تک رسائی حاصل کی یورو 2020 میں کین نے جرمنی کے خلاف پری کوارٹر فائنل میں گول کیا، یوکرین کے خلاف دو گول کیے اور ڈنمارک کے خلاف سیمی فائنل میں فیصلہ کن گول کرکے انگلینڈ کو فائنل میں پہنچایا۔فائنل میں انگلینڈ اٹلی سے پنالٹی شوٹ آٹ میں شکست کھا گیا۔23 مارچ 2023 کو اٹلی کے خلاف یورو 2024 کے کوالیفائنگ میچ میں کین نے پنالٹی پر گول کیا۔ یہ انگلینڈ کے لیے ان کا 54واں گول تھا۔اس گول کے ساتھ انہوں نے وین رونی کا انگلینڈ کے لیے سب سے زیادہ گول کرنے کا ریکارڈ توڑ دیا اور انگلینڈ کی تاریخ کے سب سے زیادہ گول کرنے والے کھلاڑی بن گئے۔یورو 2024 میں کین نے انگلینڈ کی قیادت کی۔ وہ کئی ریکارڈز کے ساتھ انگلینڈ کے اہم کھلاڑی رہے اور اسپین کے خلاف فائنل میں بھی میدان میں اترے، اگرچہ انگلینڈ کو 2-1 سے شکست کا سامنا کرنا پڑا۔کین نے ٹورنامنٹ میں تین گول کیے اور مشترکہ طور پر Golden Boot حاصل کیا۔ اس طرح وہ ورلڈ کپ اور یورپی چیمپئن شپ، دونوں میں گولڈن بوٹ جیتنے والے دنیا کے چند کھلاڑیوں میں شامل ہوگئے۔2026 کے ورلڈ کپ میں کین انگلینڈ کی ٹیم کے کپتان تھے۔ انہوں نے کروشیا کے خلاف افتتاحی میچ میں دو گول کیے۔پاناما کے خلاف گول کرکے انہوں نے ورلڈ کپ میں انگلینڈ کے لیے 11 گول مکمل کیے اور گیری لائنکر کا ریکارڈ توڑ دیا۔DR کانگو کے خلاف ناک آٹ میچ میں بھی انہوں نے دو گول کیے جبکہ میکسیکو کے خلاف پری کوارٹر فائنل میں پنالٹی پر گول کیا اور جوڈ بیلنگھم کے گول میں مدد فراہم کی۔ارجنٹائن کے خلاف سیمی فائنل میں شرکت کے ساتھ انہوں نے انگلینڈ کے آٹ فیلڈ کھلاڑیوں میں سب سے زیادہ بین الاقوامی میچ کھیلنے کا اعزاز حاصل کیا۔
