بھارت نے بنگلادیشی وزیراعظم کے مشیر کو ایئرپورٹ پر داخلے سے روک دیا

بھارت کے دہلی ایئرپورٹ پر بنگلادیشی وزیراعظم کے مشیر زاہد الرحمان کو داخلے سے روک دیا گیا اور ان سے ڈھائی گھنٹے تک پوچھ گچھ کی گئی۔
بنگلادیشی میڈیا کے مطابق سفارتی سطح پر پیشگی اطلاع کے باوجود بھارتی امیگریشن نے انہیں داخلے کی اجازت نہیں دی۔بھارت کے اعلیٰ حکام کی مداخلت کے بعد اجازت ملی لیکن زاہد الرحمان نے بھارت میں داخل ہونے کے بجائے واپس جانے کا فیصلہ کیا۔وہ کولمبو کے راستے ڈھاکا روانہ ہوگئے۔زاہد الرحمان بحرِ ہند رِم ایسوسی ایشن کے اجلاس میں شرکت کے لیے بھارت گئے تھے۔اس واقعے کو بنگلادیشی میڈیا نے تشویشناک قرار دیا ہے اور مکمل تفصیلات جمع کی جا رہی ہیں۔
یہ اقدام دونوں ممالک کے تعلقات پر سوالات اٹھا رہا ہے۔سفارتی حلقے اس معاملے کو قریب سے دیکھ رہے ہیں۔