شعیب جمیل
ایڈیشنل سیشن جج پشاور محمدخان یوسفزئی نے سوشل میڈیاپر ایس پی رینک کے آفیسر کے خلاف ہتک آمیزمواد وائرل کرنے والے شہری کو10لاکھ روپے ہرجانہ ادا کرنے کے احکامات جاری کردئیے ۔ تفصیلات کے مطابق ایس پی عنایت اللہ خان نے عدالت میں صوابی کے رہائشی محمدجمیل کے خلاف 5کروڑ روپے ہتک عزت کادعوی دائرکیاتھا۔ بیرسٹر برکت اللہ خان کے وساطت سے دائردعوی میں موقف اختیارکیاگیاکہ جمیل نے فروری2023میں درخواست گذارکے خلاف سوشل میڈیاپر ہتک آمیزموادوائرل کیا جس سے درخواست گذار کی ساکھ کوشدیدنقصان پہنچاہے عدالت نے دعوی کی سماعت مکمل ہونے پر درخواست گذار کے حق میں 10لاکھ روپے کی ڈگری جاری کردی
