عراق کے شہر کرکوک میں سڑک کنارے نصب بم کے دھماکے کے نتیجے میں عراقی فوج کے ایک بریگیڈیئر اور ایک فوجی اہلکار جاں بحق ہو گئے ہیں۔
غیر ملکی میڈیا کے مطابق عراقی فوج نے تصدیق کی ہے کہ حملے میں مزید دو فوجی اہلکار زخمی بھی ہوئے ہیں۔ یہ واقعہ اس وقت پیش آیا جب فوجی گاڑی کرکوک کے علاقے میں دہشت گرد تنظیم داعش کے ممکنہ ٹھکانوں کے خلاف سرچ آپریشن میں مصروف تھی۔
رپورٹس کے مطابق دہشت گردوں نے سرچ آپریشن میں شامل فوجی گاڑی کو سڑک کنارے نصب بم کے ذریعے نشانہ بنایا۔ واضح رہے کہ رواں ماہ کے دوران عراقی سیکیورٹی فورسز پر یہ دوسرا بڑا حملہ ہے۔
