وفاقی آئینی عدالت نے خیبرپختونخوا کے وزیراعلیٰ سہیل آفریدی کے انتخاب کے خلاف شیر افضل مروت کی درخواست 14 ستمبر کو سماعت کے لیے مقرر کر دی، مزید تفصیلات جاننے کے لیے کمنٹس میں دیے گئے لنک پر کلک کریں۔
Website Article: وفاقی آئینی عدالت نے خیبرپختونخوا کے وزیراعلیٰ سہیل آفریدی کے انتخاب کو چیلنج کرنے والی آئینی درخواست 14 ستمبر کو باقاعدہ سماعت کے لیے مقرر کر دی ہے۔ یہ درخواست پاکستان تحریک انصاف کے سابق رکن قومی اسمبلی اور رہنما شیر افضل مروت کی جانب سے جمع کرائی گئی ہے، جس میں نو منتخب وزیراعلیٰ کو ان کے عہدے کے لیے نااہل قرار دینے کی استدعا کی گئی ہے۔
سابق پی ٹی آئی رہنما نے اپنی دائر کردہ درخواست میں عدالت عالیہ سے یہ بھی استدعا کی ہے کہ سابق وزیراعلیٰ علی امین گنڈاپور کو خیبرپختونخوا کے سپریم ایگزیکٹو کے عہدے پر دوبارہ بحال کیا جائے۔ شیر افضل مروت نے موقف اپنایا ہے کہ سہیل آفریدی کی اس عہدے کے لیے نامزدگی بانی پی ٹی آئی عمران خان کی جانب سے کی گئی تھی، جو اس وقت سزا یافتہ ہیں۔
وفاقی آئینی عدالت نے کیس کی مقررہ تاریخ کے حوالے سے نوٹسز جاری کرنے سمیت دیگر ضروری قانونی آئینی تقاضوں کی تکمیل شروع کر دی ہے۔ 14 ستمبر کو ہونے والی اس ابتدائی سماعت کے دوران درخواست کے قابلِ سماعت ہونے اور وزیراعلیٰ خیبرپختونخوا کے انتخاب کے بارے میں قانونی و آئینی نقطہ ہائے نظر پر فریقین کی جانب سے دلائل پیش کیے جانے کی توقع ہے۔
