گریڈ 20 کے سینئر افسر ڈاکٹر خطیر احمد نے باقاعدہ طور پر ڈائریکٹر جنرل (ڈی جی) ریسکیو 1122 خیبر پختونخوا کا چارج سنبھال کر اپنی ذمہ داریاں شروع کر دی ہیں۔
اس سے قبل ڈاکٹر خطیر احمد ڈائریکٹر جنرل ریسکیو اکیڈمی خیبر پختونخوا کی حیثیت سے اپنے فرائض سرانجام دے رہے تھے۔ نئی ذمہ داریوں کی تفویض کے بعد وہ خیبر پختونخوا کے تمام اضلاع میں ریسکیو 1122 کی خدمات، آپریشنل حکمتِ عملی، ایمرجنسی خدمات اور ادارے کی مجموعی فعالیت و انتظامی امور کی نگرانی کریں گے۔
