ڈاکٹر محمد مزمل کو جیانگ سو یونیورسٹی سے پی ایچ ڈی کرلی

ڈاکٹر محمد مزمل ضیا نے حال ہی میں تیان شان فورم برائے وسطی ایشیا اقتصادی تعاون میں شرکت کی، جس کی تصویر چائنا اکنامک نیٹ (CEN)نے جاری کی۔سی پیک سیکریٹریٹ کی سرکاری ویب سائٹ پر موجود پروفائل کے مطابق، ڈاکٹر محمد مزمل ضیا نے جیانگ سو یونیورسٹی، چین کے اسکول آف فنانس اینڈ اکنامکس سے پی ایچ ڈی کی ڈگری حاصل کی۔ اس سے قبل انہوں نے فریڈرک الیگزینڈر یونیورسٹی، جرمنی سے ترقیاتی معاشیات میں ایم فل مکمل کیا جبکہ ان کے پاس بزنس ایڈمنسٹریشن میں بیچلر ڈگری بھی موجود ہے۔اپنی گریجویشن کی تعلیم کے دوران ڈاکٹر ضیا کنفیوشس اسکالر رہے اور انہیں بیجنگ لینگویج اینڈ کلچر یونیورسٹی میں چینی زبان اور ثقافت کے مطالعے کے لیے اسکالرشپ حاصل ہوئی۔ چین کے ساتھ یہ ابتدائی تعلیمی وابستگی بعد ازاں ان کے پیشہ ورانہ اور علمی سفر کی مضبوط بنیاد ثابت ہوئی۔تعلیم مکمل کرنے کے بعد ڈاکٹر محمد مزمل ضیا نے بیلٹ اینڈ روڈ انیشی ایٹو (BRI) کی تعمیر اور ترقی میں فعال کردار ادا کیا۔ انہوں نے پاکستان کے وفاقی وزیر برائے منصوبہ بندی، ترقی و خصوصی اقدامات کے ساتھ چین کے سرکاری دوروں میں شرکت کی اور چین پاکستان اقتصادی راہداری (CPEC) سے متعلق اہم سرگرمیوں اور تقریبات میں بھی بھرپور حصہ لیا۔جیانگ سو یونیورسٹی کی جانب سے دیا جانے والا یہ اعزاز پاک چین علمی، تعلیمی اور اقتصادی تعاون کے فروغ میں ڈاکٹر ضیا کی نمایاں خدمات کا اعتراف ہے۔ یہ صرف ایک شخصی کامیابی نہیں بلکہ اس بات کا بھی مظہر ہے کہ پاکستان میں چین سے تعلیم یافتہ ماہرین کی ایک نئی نسل ابھر رہی ہے جو دونوں ممالک کے درمیان مستقبل کے تعلقات کو مزید مضبوط بنانے میں کلیدی کردار ادا کر رہی ہے۔