خیبرپختونخوا پولیس نے ضم شدہ اضلاع میں جاری پولیس اور محکمہ انسداد دہشت گردی (سی ٹی ڈی)کے ترقیاتی منصوبوں کی بروقت تکمیل کیلئے مزید 8 ارب روپے فراہم کرنے کا مطالبہ کر دیا ہے۔سرکاری دستاویزات کے مطابق ضم اضلاع میں پولیس اور سی ٹی ڈی کی مختلف ترقیاتی اسکیموں کیلئے مجموعی طور پر 16 ارب 33 کروڑ 95 لاکھ روپے کی منظوری دی گئی تھی، تاہم منصوبوں کی تکمیل کیلئے مزید مالی وسائل کی ضرورت پیش آ رہی ہے۔دستاویزات کے مطابق مالی سال 2025-26 کے دوران پولیس اور سی ٹی ڈی منصوبوں کیلئے 7 ارب روپے جاری کیے گئے، جن میں سے 6 ارب 75 کروڑ 72 لاکھ روپے خرچ کیے جا چکے ہیں۔حکام کا کہنا ہے کہ ضم اضلاع میں پولیس اسٹیشنز، پولیس لائنز، چیک پوسٹس، رہائشی سہولیات اور انسداد دہشت گردی سے متعلق انفراسٹرکچر کی تعمیر سمیت متعدد منصوبے زیر تکمیل ہیں۔ ان منصوبوں کو مقررہ مدت میں مکمل کرنے کیلئے مزید 8 ارب روپے درکار ہیں۔ذرائع کے مطابق اضافی فنڈز کی فراہمی سے ضم اضلاع میں پولیسنگ کے نظام کو مزید مضبوط بنانے، سکیورٹی صورتحال بہتر کرنے اور دہشت گردی کے خلاف جاری اقدامات کو مثر بنانے میں مدد ملے گی۔حکام نے امید ظاہر کی ہے کہ آئندہ بجٹ اور ترقیاتی پروگرام میں مطلوبہ فنڈز کی فراہمی سے ان اہم منصوبوں کو بروقت مکمل کیا جا سکے گا۔
اہم خبریں
ڈیرہ میں ٹریفک حادثہ’ 2 نوجوان جاں بحقچارسدہ’فوڈ آفس میں 5 جعلی اینٹی کرپشن اہلکار گرفتارامریکی خاتون نوجوان کی محبت میں پاکستان پہنچ گئیحکومت کو بھی اپنی کارکردگی کا جائزہ لینا چاہیے’ پشاور ہائیکورٹلاپتہ افراد کیس’ ایس ایچ او بھانہ ماڑی کی رپورٹ مستردکریمنل جسٹس سسٹم میں خامیاں ہیں ‘ بہتر کر رہے ہیں’ آفتاب عالمبجلی پیدا کرنے والا ضلع شانگلہ خود بجلی سے محرومایس ایچ او سمیت 5 اہلکاروں کیخلاف مقدمہ اندراج کا حکمقتل کے ملزم کو سزائے موت اور 10 لاکھ روپے جرمانے کی سزاپٹن میں شاہراہ قراقرم پر واپڈا کیخلاف احتجاجی دھرنا
