تکنیکی دنیا کی معروف کمپنی گوگل نے اپنے نئے فرنٹیئر آرٹی فیشل انٹیلی جنس (اے آئی) ماڈلز متعارف کروا دیے ہیں۔ حیران کن طور پر محض دو ہفتے قبل نئے ماڈلز کی پیشکش کے بعد اب کمپنی نے ‘جیمنائی 4 کاربن’ نامی لارج لینگوئج ماڈل اور ‘جینی 4’ نامی ورلڈ ماڈل دنیا کے سامنے پیش کیے ہیں۔
گوگل کے مطابق جیمنائی 4 کاربن ان کا اب تک کا سب سے پیشرفتہ اے آئی ماڈل ہے، جس نے بینچ مارک ٹیسٹنگ میں پچھلے ماڈلز سمیت اوپن اے آئی کے جی پی ٹی 6 آسٹرا کو بھی پیچھے چھوڑ دیا ہے۔ اس ماڈل کو خاص طور پر سائبر سیکیورٹی کے ماہرین کے لیے تیار کیا گیا ہے تاکہ سسٹمز میں موجود خامیوں اور کمزوریوں کی نشاندہی اور ان کا تدارک ممکن بنایا جا سکے۔
دوسری جانب گوگل کا نیا اے آئی ماڈل ‘جینی 4’ ایک جدید ورلڈ ماڈل ہے جو حقیقی اور تخلیاتی دنیاؤں کی سیمولیشن کی صلاحیت رکھتا ہے۔ یہ ماڈل روبوٹیکس اور ویڈیو گیمز کے ڈیزائن میں انتہائی مددگار ثابت ہوگا، جبکہ اس میں آڈیو کی شمولیت سے ڈویلپرز بیک گراؤنڈ آوازیں اور ڈائیلاگز بھی شامل کر سکیں گے۔ فی الوقت یہ دونوں ماڈلز عام صارفین کے لیے دستیاب نہیں بلکہ صرف منتخب سائبر سیکیورٹی ماہرین کو فراہم کیے جا رہے ہیں۔
