محمد قاسم ریجنل ہیڈ، دفتر وفاقی محتسب کی سی ای او پیسکو سے اہم ملاقات

محمد قاسم جان، ریجنل ہیڈ، دفتر وفاقی محتسب اور اختر حمید خان، چیف ایگزیکٹو آفیسر پشاور الیکٹرک سپلائی کمپنی کے درمیان ایک ملاقات ہوئی جس میں دفتر وفاقی محتسب میں زیرِ التوا شکایات اور عملدرآمد کیسز کی صورتحال کا جائزہ لیا گیا۔ اس ملاقات میں شکیل، چیف لاء آفیسر، پیسکو اور محمد عالم زیب، ڈپٹی ایڈوائزر (امپلیمنٹیشن) دفتر وفاقی محتسب، پشاور بھی موجود تھے۔ملاقات کے دوران یہ فیصلہ کیا گیا کہ تمام سب ڈویژنل آفیسرز (ایس ڈی اوز)اور متعلقہ فوکل پرسنز، ایجنسی کے خلاف دائر شکایات کی سماعت کی کارروائی کے لیے ذاتی طور پر وفاقی محتسب کے سامنے پیش ہوں گے۔ مزید یہ بھی فیصلہ کیا گیا کہ تمام زیرِ التوا قابلِ عملدرآمد کیسز پر ایجنسی کے مروجہ قواعد و ضوابط اور اسٹینڈرڈ آپریٹنگ پروسیجرز (ایس او پیز)کے عین مطابق مکمل طور پر عملدرآمد کیا جائے گا، جس کے لیے ایک کمیٹی تشکیل دی جائے گی جس کی سربراہی سپرنٹنڈنگ انجینئر کے عہدے سے کم نہ ہو۔یہ بھی طے پایا کہ ان کیسز پر عملدرآمد کے حوالے سے تعمیل رپورٹ (کمپلائنس رپورٹ)باقاعدگی سے ریکارڈ اور نگرانی کے مقاصد کے لیے محمد قاسم جان وفاقی محتسب آف پاکستان علاقائی دفتر پشاور کو جمع کروائی جائے گی۔اس موقع پر گفتگو کرتے ہوئے سی ای او پیسکو نے یقین دہانی کروائی کہ اس ضمن میں تمام متعلقہ فارمیشنز کو فوری طور پر ضروری ہدایات جاری کی جائیں گی، تاکہ عوامی شکایات کا بروقت ازالہ اور وفاقی محتسب کی ہدایات پر سختی سے عملدرآمد یقینی بنایا جا سکے۔اس ملاقات نے دونوں اداروں کے گڈ گورننس، احتساب اور عوام الناس کو فوری ریلیف کی فراہمی کے لیے باہمی عزم کا اظہار کیا۔