اسلام آباد ہائیکورٹ نے وفاقی دارالحکومت میں قائم تمام اقسام کے شیشہ کیفیز کو مکمل طور پر بند کرنے کا حکم صادر کر دیا ہے۔
عدالت نے ہدایت کی ہے کہ جب تک نئے قواعد و ضوابط (رولز) تشکیل نہیں دیے جاتے، تب تک اسلام آباد کے تمام شیشہ کیفیز بند رہیں گے۔ اس کے ساتھ ہی عدالت عالیہ نے شیشہ کیفیز کو ماضی میں جاری کیے گئے تمام این او سیز (عدم اعتراض کے سرٹیفکیٹس) بھی فوری واپس لینے کے احکامات جاری کر دیے ہیں۔
یہ احکامات چیف جسٹس سرفراز ڈوگر نے کیس کی سماعت کے دوران جاری کیے، جبکہ مقدمے کا تفصیلی تحریری فیصلہ بعد میں جاری کیا جائے گا۔
