ایشین گیمز کے مینز والی بال مقابلے میں پاکستان نے چین کو شکست دے کر برانز میڈل اپنے نام کر لیا۔
جاپان کے شہر ناگویا میں کھیلے گئے تیسری پوزیشن کے میچ میں پاکستان نے چین کو مسلسل تین سیٹس میں شکست دی۔
پاکستان نے پہلے سیٹ میں چین کے خلاف 25-18 سے کامیابی حاصل کی، جبکہ دوسرے سیٹ میں قومی ٹیم نے 25-16 کے اسکور سے فتح اپنے نام کی۔
تیسرے سیٹ میں بھی پاکستان نے عمدہ کھیل کا سلسلہ برقرار رکھتے ہوئے چین کو 25-18 سے شکست دے دی۔
یوں پاکستان نے چین کے خلاف میچ 3-0 سے جیت کر ایشین گیمز کے مینز والی بال ایونٹ میں تیسری پوزیشن حاصل کی اور برانز میڈل جیت لیا۔
دوسری جانب ایشین گیمز کرکٹ کے فائنل میں بھارت نے پاکستان کو 19 رنز سے شکست دے کر گولڈ میڈل اپنے نام کیا۔
کرکٹ فائنل میں بھارت نے پہلے بیٹنگ کرتے ہوئے پاکستان کو جیت کے لیے 212 رنز کا ہدف دیا تھا، تاہم پاکستانی ٹیم مقررہ ہدف حاصل نہ کرسکی اور 192 رنز بنا سکی۔
