تہکال ‘ بجلی تار چوری کرنے کی کوشش کرنیوالے 2 افراد جاںبحق

پشاور کے علاقے تہکال گلے بابا کے قریب بجلی کی تاریں چوری کرنے کی کوشش کرنے والے دو افراد بجلی کا کرنٹ لگنے سے موقع پر ہی جاں بحق ہو گئے۔ پولیس کے مطابق دونوں افراد مبینہ طور پر نشے کی حالت میں تھے اور 11 ہزار وولٹ کی لائن کاٹنے اور چوری کرنے کی کوشش کر رہے تھے۔واقعہ کے بعد تاکال پولیس اسٹیشن کے ایس ایچ او صدام خان جائے وقوعہ پر پہنچے اور لاشوں کو تحویل میں لے کر شناخت کا عمل شروع کیا گیا۔ تاحال دونوں افراد کی شناخت نہیں ہو سکی، تاہم شبہ ظاہر کیا جا رہا ہے کہ دونوں کا تعلق نشے کے عادی افراد سے تھا جو ممکنہ طور پر منشیات کے لیے پیسے کے حصول کے لیے واردات کی نیت سے آئے تھے۔